Arduino

tecnoloxia.org

Sensor de temperatura DS18B20

Descrición

O DS18B20 é un sensor de temperatura no cal se realiza a conversión analóxico-dixital dentro do encapsulado. Permite medir temperaturas desde o -55ºC ata os 125ºC

Utiliza o protocolo 1-wire para comunicarse, necesitándose un único pin de datos.

Podémolo atopar co encapsulado TO-92 (utilizado comunmente en transistores) ou recuberto dunha cuberta impermeable de aceiro inoxidable, moi útil se queremos mergullalo en líquidos e gases. Nós utilizaremos este último.

Montaxe

  • Negro: GND
  • Vermello: Vcc
  • Amarelo: Saída dixital
  • Resistencia de 4,7 kΩ  conectada en Pull-Up

Programas

Necesitamos dúas librerías: OneWire para a comunicación e a librería DallasTemperature propia do sensor.

Imos conectar un único sensor no pin dixital 5

Propostas

Mercamos este sensor porque queremos medir a temperatura do depósito de auga da cortadora láser. A auga de refrixeración non debe exceder os 35ºC, así que cando se supera esa temperatura deberá soar unha alarma que nos avise mediante un zumbador. Ademais, debemos poder visualizar a través dunha pantalla LCD a temperatura da auga de refrixeración.