Corte por láser

Do 9 ao 13 de novembro celébrase a II Semana Internacional do Láser. Son moitísimas as aplicacións que ten a tecnoloxía láser na industria, especialmente no referente á fabricación mecánica e procesado de materiais.

Un exemplo tédelo no seguinte vídeo no que se pode ver unha máquina-ferramenta que realiza operacións de corte mediante tecnoloxía láser. O metal fúndese nos puntos polos que pasa o feixe de luz láser e os residuos son retirados cun gas a alta presión. As operacións prográmanse mediante CAD 3D e a máquina encárgase do resto de forma automática. O aceiro parece manteiga!

[youtube:Laser tube cutting machines | BLM GROUP]


Retorcendo o metal

Aquí van uns vídeos nos que se ve a facilidade con que se retorce o metal para obter distintas formas. Cada máquina está deseñada e programada para realizar os precisos movementos que permiten obter diferentes formas.

Os obxectos están deseñados para soportar esforzos que non superen o límite elástico do material, pero na conformación das pezas trabállase na zona plástica, máis alá do límite de fluencia, o que permite ao material adaptar unha forma permanente unha vez ceden os esforzos aos que se somete coas máquinas de conformado.

Clip

Máquina para obrar arames

[youtube: Fastest Wire Bending in the World. AFE-2D6 ULTRA CNC Wire Bender from AIM Inc]

Máquina para facer resortes

[youtube: 6mm CNC 12 Axis Wire Former- Model CMM-12-600RW]

Máquina para dobrar tubos

[youtube: Sharpe Products NISSIN 3D Tube Bender Video]


Impresión 3D dunha ponte de aceiro

Cando pensamos nunha impresora 3D o primeiro que nos vén a cabeza é unha máquina en forma de caixa na que se imprimen unha pequenas pezas de plástico, pero esta tecnoloxía está evolucionando tan rapidamente que xa estamos a ver robots imprimindo estruturas de todo tipo, sen limitarse a unha caixa cadrada na que todo sucede.

MX3D_Bridge

Un exemplo de impresión de estruturas xa o vimos hai tempo no artigo “A impresora 3D capaz de imprimir edificios” no que se observa unha impresora botando chorros de formigón para “imprimir” a estrutura dun edificio.

Hoxe imos ver que tamén podemos imprimir aceiro. A empresa MX3D pretende construír unha ponte de aceiro sobre un canal de Amsterdam utilizando robots industriais e aplicando unha novidosa técnica de impresión 3D que abre paso á creación automatizada de estruturas a gran escala.

Nesta animación presentan o seu proxecto:

[youtube: MX3D Bridge Visualisation]

Nestes vídeos podemos ver algunhas das probas realizadas pola empresa para construír unha pequena ponte de aceiro de pequenas dimensións.

[youtube: MX3D printing]

[youtube: MX3D to 3D print a steel bridge in Amsterdam]

 

Máis información en MX3D


Cortando metal

O que se ve neste vídeo non é un coitelo levándose por diante un anaco de manteiga ou de queixo, aínda que ben o parece. O vídeo amosa a cámara lenta e a gran aumento o que sucede cando unha máquina de corte actúa sobre diferentes tipos de metais.

[youtube: Iscar Chip Formation] (Visto en : la boite verte)

Aquí podemos ver a cámara lenta como se comporta o aceiro cando se fura cunha broca:
[youtube: OSG Mega Muscle Drill]

Tamén vimos hai tempo o aceiro derreterse coma se fose chocolate.


O aceiro

Aquí tedes uns vídeos que vos poden servir para entender mellor o proceso de obtención do aceiro.

1. O alto forno

No alto forno obtemos arrabio a partir do mineral de ferro, carbón do coque e calcaria. O arrabio, ferro bruto ou ferro-gusa é ferro con alta cantidade de carbono e impurezas.

  • O carbón de coque quéimase como combustible para formar monóxido de carbono CO, e eleva a temperatura do forno.
  • Os óxidos férricos do mineral reaccionan co monóxido de carbono para formar ferro metálico e dióxido de carbono.Fe2O3 + 3 CO → 3 CO2 + 2 Fe
  • Outras impurezas do mineral de ferro reaccionan coa calcaria para formar a escoura.

alto_forno.gif

Neste vídeo explícannos o proceso:


[youtube: Funcionamento do Alto Forno e Obtenção do Ferro Gusa]

2. Forno de afino. Convertedor de osíxeno

78-57 Pouring into service ladle Bessemer Converter YST 5677.jpgO arrabio ten impurezas e unha cantidade de carbono moi elevada polo que debe ser tratado, xunto cunha porcentaxe de ferralla e fundente, nun convertedor de osíxeno de onde obtemos un aceiro líquido cunha porcentaxe de carbono axeitada.

Engádenselle tamén elementos de aliaxes que fan mellorar as súas propiedades.

Neste vídeo podemos ver o proceso:

[youtube: Producción del acero]

3. Forno eléctrico

Unha acería eléctrica produce aceiro a partir de ferralla mediante un forno eléctrico de arco. A materia prima utilizada é ferralla, fundente (cal) e ferroaliaxes.

Neste vídeo podemos ver un forno eléctrico en acción:


[youtube: Horno electrico fundiendo chatarra]

4. Coada

O aceiro líquido obtido do convertedor ou do forno eléctrico solidifícase mediante coada convencional (sobre moldes) ou coada continua (o metal líquido vértese nunha lingoteira de fondo aberto, e vaise desprazando e arrefriando)

Neste vídeo podemos ver o proceso de coada continua:


[youtube: colada continua de palanquillas]

5. Laminación

laminacion.gifA laminación consiste en facer pasar o aceiro solidificado entre roletes ou cilindros xiratorios para reducir a súa sección transversal e aumentar a súa lonxitude.

A laminación pódese facer en quente ou en frío.

Neste vídeo pódese ver como é o proceso de laminación:


[youtube: Steelmaking: Rolling]

Podes ver tamén esta interesante animación da “Asociación para la Promoción Técnica del Acero” (APTA):