Control e Robótica

Fenda robótica?

por

brecha-robotica.jpgUn artigo de hoxe en SINC fala dunha posíbel fenda robótica nun futuro:

“Investigadores españois realizaron un estudo prospectivo sobre o impacto social dos robots no futuro. As conclusións destacan que en 12 anos os robots terán unha capacidade de automatización e interacción cos humanos tan grande que causará un desequilibrio tecnolóxico entre quen posúan ou non unha ferramenta deste tipo.”

Os robots abrirán unha nova fenda robótica do mesmo xeito que ocorreu co acceso a tecnoloxías como Internet?

Non creo que en 12 anos se produza ese desequilibrio, polo menos a nivel particular (non industrial), xa que aínda queda moito por evolucionar no mundo da robótica e da intelixencia artificial.

Xa veremos nuns anos como é a cousa, pero de momento aquí vai o artigo completo para a reflexión.

Outro artigo para a reflexión: Creatividade, innovación e robótica, de Alejandro Alonso Puig.


Pioneer 3DX

por

O luns 10 de novembro, o alumnado de Tecnoloxía Industrial I e II de bacharelato e os profes de tecno do IES Primeiro de Marzo de Baiona asistiremos á xornada ObradoiROBOT, no IES Escolas Proval, na que manexaremos un robot Pioneer 3DX.

Para que vos fagades unha idea do que imos facer, podedes descargarvos o programa: axenda_10_nov_proval.pdf

Tamén podedes ver o vídeo da xornada que se realizou o 3 de novembro na Escola Técnica Superior de Enxeñaría, publicado no xornal A Nosa Terra.


ObradoiROBOT

por

obradoirobot.pngObradoiROBOT: xogos cun robot móbil guiado por intelixencia artificial, é unha actividade organizada polo equipo de robótica móbil do Grupo de Sistemas Intelixentes da USC e conta co copatrocinio da Dirección Xeral de I+D (programa Diverciencia).

A actividade consistirá nunha competición na que os equipos participantes terán que guiar “a cegas” un robot móbil Pioneer 3DX por un circuíto delimitado con valados.

Este contido lúdico irá precedido dunha presentación divulgativa e a demostración práctica das bases tecnolóxicas do guiado dun robot móbil (sensores láser e de ultrasons, comportamentos do robot e intelixencia artificial) e a realización do percorrido polo circuíto polo propio robot autónomamente.

O 10 de novembro, a partir das 10:30 celebrarase o obradoiro no IES Escolas Proval (Nigrán), dirixida a estudantes dos ciclos medio e superior de electrónica e da modalidade de tecnoloxía do bacharelato.

Lamentablemente comunícannos que non é posíbel facer unha convocatoria máis aberta por falta de espazo, así que únicamente quedan prazas para que asista o profesorado interesado en ver a actividade, pero sen grupos de alumnos/as. Unha pena.

Hai máis información na web de ObradoiROBOT


Vibrobot: Bug Bot

por

Este sinxelo vibrobot ponse en marcha cando detecta luz e para na escuridade grazas a unhas LDRs e un amplificador de audio LM386. Podes ver as instrucións en popsci.com.

(Pode ser que este vídeo non se vexa dende un lector de feeds)

Está baseado nun dos robots que podemos atopar no libro “Junkbots, Bugbots, and Bots on Wheels“, e cuxa web de asistencia é junkbots.solarbotics.com. Alí podes atopar outros modelos.