tecnoloxia.org

Tecnoloxía na Educación Secundaria

O espectro electromagnético segundo Cuarto Milenio

Se vedes Cuarto Milenio non vos creades nada do que alí se di.

Son múltiples e variadas as estupideces que contan, pero hoxe leveime as mans á cabeza. Mirade este vídeo:

youtube:Espectro electromagnético segundo Cuarto Milenio

Así que as ondas sonoras (mecánicas) son ondas electromagnéticas!!!

Vaia! Non sei entón cómo podo explicar na ESO o funcionamento dun micrófono, un altofalante, o sensor ultrasónico que usan os robots de Lego cos que traballamos, o Bluetooth, a radio, a telefonía móbil, e un longo etcétera. Tremenda burrada!

En fin, tedes unha crítica moi boa en wisphysics. Recoméndovos a lectura (ou pode que a poña obrigatoria en clase)

Segundo un reciente estudio sobre Percepción social da Ciencia e da Tecnoloxía, a fonte de información que se cita maioritariamente é a televisión (82,3%). Preocúpame ese dato, pois se a fonte principal de información son programas como o de Cuarto Milenio creo que é mellor que a xente non se informe :-(…