tecnoloxia.org

Tecnoloxía na Educación Secundaria

Copiade, malditos!

Que é a propiedade intelectual? E o copyright? Ata que punto pódese posuír unha idea? Ata que punto pode ser un delito copiar? Dende hai uns anos, especialmente dende a irrupción masiva de Internet, o sistema de dereitos de autor estase a cuestionar constantemente.
O documental Copiade, malditos! serve de gran axuda para comprender o que está a suceder.


[¡Copiad, malditos! (DOC/58’/ES/HD720p 16:9) from elegant mob films on Vimeo.]
[ tve2: ¡Copiad, malditos! duración: 58 min 15 s ]

Este vídeo distribúese baixo licenza Creative Commons, e podes descargalo da propia web de tve.…

ArtFutura 2010. Programa audiovisual no Marco (Vigo)

Comeza a edición 2010 de ArtFutura, o festival de Cultura e Creatividade Dixital que explora os proxectos e as ideas máis importantes xurdidas no panorama internacional do new media, o deseño de interacción, os videoxogos e a animación dixital. As súas actividades, que se desenvolverán en varias cidades simultaneamente, inclúen conferencias, talleres, instalacións, exposicións e actuacións en directo.

En Vigo poderemos asistir ao programa audiovisual, que terá lugar no Marco (Museo de Arte Contemporánea de Vigo) a partir de mañá, 4 de novembro.

A edición deste ano ten como protagonista o documental ‘We Live in Public’, un filme sobre as redes sociais e a privacidade en Internet, gañador da pasada edición de Sundance, e que forma parte da colección permanente do MoMA de Nova York. Aquí vai o trailer:


[We Live In Public TRAILER from We Live in Public on Vimeo.]

Podédelo ver no Marco mañá xoves 4, o venres 19 e o sábado 20 de novembro, no programa A.

E se vos gusta a animación 3D, non vos perdades o resto de proxeccións dos programas B, C e D, como 3D ArtFutura Show ou Futura Graphics.

Esta é unha das curtas que se vai proxectar: Salesman Pete de Marc Bouyer, Max Loubaresse e Anthony Vivien.


[Salesman Pete from Salesman Pete on Vimeo.]

Consulta aquí o programa completo no Marco

Docuciencia: Documentais de ciencia e tecnoloxía

Hai tempo que tiña pensado falarvos de docuciencia, pero xa que acaban de convocar un concurso polo seu primeiro aniversario aproveito agora para participar.

docuciencia.gif

Docuciencia ofrécenos unha recompilación de vídeos de ciencia e tecnoloxía, nas categorías de astronomía, bioloxía, física, tecnoloxía e pensamento crítico.

Como non podería ser doutro xeito, dende aquí recomendo a categoría de Tecnoloxía. Parece que é a menos completa de todas, así que anímoos a que non se esquezan dela e que a vaian ampliando pouco a pouco, e contribuír así a achegar tamén a tecnoloxía e a enxeñería a poboación.

Dádevos unha volta por Docuciencia. Seguro que atopades documentais moi interesantes.…

Tecnoloxía dos anos 80

Os primeiros ordenadores, os primeiros videoxogos, a música, o vídeo, os xoguetes electrónicos, … os anos 80 empezaron a dixitalizar as nosas vidas.

Este documental fala da tecnoloxía dos anos 80. Naquela época eu tiña a idade dos meus alumnos e alumnas da ESO, e resulta impresionante a evolución producida en dúas décadas.

www.Tu.tv

Dentro de 20 anos veremos documentais que falen da tecnoloxía da primeira década do século XXI e seguramente notaremos un cambio aínda máis espectacular.…