tecnoloxia.org

Tecnoloxía na Educación Secundaria

Bending Fest no Alg-a Lab en Vigo

Se vos apetece pasar unha fin de semana montando instrumentos musicais electrónicos podedes apuntarvos aos obradoiros de electrónica musical Bending Fest impartidos polo colectivo Familiar no Alg-a Lab, en Valadares (Vigo) do 27 ao 29 de xullo.

[youtube: La Invisible – Malaga Oct-2011]

Podedes elixir entre diferentes módulos, que se levarán a cabo durante as tres xornadas. O prezo inclúe todo o material necesario para a construción dos instrumentos. Tedes aquí máis información sobre o funcionamento de cada un.

  • 6DE, Punksstylo: 60€
  • Theremín: 70€
  • Pedales: 50€
  • Circuit Bendig: 35€
  • Drawdio: 35€

 

Máis información:

 

Tamén haberá concertos, acampada, bar, ……

Drawdio: Crea sons debuxando

Podemos debuxar música!
Non é broma. Hoxe atopei un interesante e sinxelo sintetizador musical que utiliza as propiedades condutoras dun lapis de grafito ou doutros materiais. O resultado é un divertido xoguete que che permite crear un instrumento musical en calquera superficie que permita unha pequena condución.

Aquí podes ver un vídeo do trebello en funcionamento:

[youtube: Drawdio: Turn Almost Anything Into a Theremin]

Se queres construír un vai á páxina de drawdio.com. Alí tes outros vídeos, as instrucións, esquemas, …

O circuíto utiliza un 555 en funcionamento astable, encargado de crear os pulsos electricos á frecuencia determinada pola resistencia do grafito ou doutros condutores. Tamén utiliza dous transistores que se encargan da amplificación do sinal.
drawdiosch.png

Anímaste a facer un?…