tecnoloxia.org

Tecnoloxía na Educación Secundaria

Cartel luminoso con fibra óptica

cartazUn circuíto intermitente cun led ou dous non queda moi vistoso, e na ESO, para fardar de proxecto, non hai nada como incluír un cartaz luminoso intermitente coma o da foto. Sen embargo conectar tantos LEDs dá bastante traballo.

Hai unha solución interesante utilizando fibra óptica. A luz viaxa polo conducto da fibra óptica sen saír dela ata chegar ao outro extremo.
fibra óptica - refracción

Podemos facer o noso deseño de cartel conectando un dos extremos da fibra óptica nunha matriz de buratos, e o outro extremo de xeito que poida coller a luz que sae dun LED, tal e como se pode ver na seguinte imaxe: (A idea e a imaxe son de Talking Electronics)
matriz de fibra óptica

O LED é a saída do noso circuíto intermitente, que pode construírse cun 555 en funcionamento astable ou cun multivibrador. Se utilizas dous LEDs, como no esquema da figura, podes conseguir unha imaxe en movemento.
555 astable

O circuíto integrado cumpre 50 anos

O primeiro circuíto integrado ou chip foi deseñado e fabricado por Jack Kilby o 12 de setembro de 1958. Este sinxelo circuíto que podes ver na imaxe fíxose sobre un anaco de xermanio e un soporte de vidro.

Primeiro circuíto integrado

Pouco se parece aos chips actuais, pero foi o primeiro paso no imparable proceso da miniaturización que fai posible a existencia da informática actual.

chipOs chips aplícanse en multitude de dispositivos, como ordenadores, vehículos, electrodomesticos, teléfonos móbiles, reproductores de mp3, calculadoras, robots, e un longo etcétera.

Se queres saber algo máis sobre os circuítos integrados podes visitar a sección de electrónica.

(Fonte: Código cero)

Proxectos de electrónica

nivel de augaNeste segundo trimestre empezarei cos proxectos en 4º de ESO. A intención é que apliquen os circuítos electrónicos que estivemos vendo na primeira avaliación. Aproveitando que fan os proxectos traballarán tamén o debuxo asistido por ordenador.

Na sección de “prácticas e proxectos” de electrónica incluín algunhas propostas, e irei engadindo máis cando vaia atopando algo de tempo. Son propostas que lles fixen estes anos anteriores. Este ano teño outras propostas, e os rapaces tamén fanme as súas, pero antes de publicalas aquí quero ver que tal funcionan.

As propostas de automatismos electrónicos analóxicos poden resultar algo engorrosas, sobre todo sabendo que dispoñendo de controladoras sería moito máis doado conseguir os mesmos resultados. É bastante lamentable que non teñamos nos centros dotación de control e robótica cando estes contidos están no currículo dende o 2001, e máis sabendo que somos a única comunidade autónoma na que non se actualizou a dotación para a área de tecnoloxía neste sentido. No meu centro temos sorte, xa que grazas á axuda para agrupacións entre centros que nos dá o MEC imos poder mercar robots LEGO. Pero bueno, ese será outro capítulo.

Se alguén ten algunha proposta de proxecto de electricidade ou de electrónica e quere compartila, pódema enviar para incluíla neste web. Indicarei, por suposto, a autoría da mesma.…


1 8 9 10