Derretendo pedra coa enerxía do Sol

Hai tempo vimos como é posible derreter aceiro utilizando un concentrador solar. Pois a cousa non queda aí: Tamén é posible derreter unha pedra natural coa enerxía do Sol.

Fixérono no Forno Solar de Investigación que hai no sur de Francia, e alcanzáronse 3500ºC na experiencia. Aquí tedes o vídeo:

[youtube: Jem Melts Rock Using Sunshine – Bang Goes The Theory – Series 3, Episode 5 Preview – BBC One]
(Visto en Interesting Engineering)


Asasinando a un coello de chocolate

Buscando pola rede exemplos de transmisión do calor por condución, radiación e convección atopei este curioso vídeo. Resulta algo “gore”, pero exemplifica moi ben como son estas formas de transmisión de enerxía térmica.

[youtube: Salón del chocolate. Asesinar un conejo.]

(Visto en Ciencia en el siglo XXI)


Turbinas hidráulicas

Dependendo da altura da caída ou do caudal de auga, as centrais hidroeléctricas poden utilizar diferentes tipos de turbinas. Aquí tedes algunhas fotografías, animacións e vídeos:

[youtube: 3 Virtual Turbines: Pelton, Francis and Kaplan]

Turbina Pelton

Utilízase cando se dispón dun gran salto de auga pero non de moito caudal.

[youtube: Pelton water turbine, 715 kVA]

Turbina Kaplan

Emprégase para saltos de auga inferiores a 60 m e moito caudal.

[youtube: Turbina de Yacyreta – Kaplan]

Turbina Francis


Demolición de presas

Houbo un tempo en que alá onde había un río con suficiente caudal construíase unha presa para facer un encoro que alimentase unha central hidroeléctrica. Despois da desfeita é cando nos damos de conta da destrución dos ecosistemas e queremos recuperalos, polo menos é así en algures.

Neste vídeo podes ver a demolición controlada da presa de Condit, que restablece o caudal natural do río White Salmon (Estado de Washington, EEUU):

[youtube: Spectacular Time Lapse Dam Removal Video] (Visto en likecool)

A maioría das centrais hidroeléctricas que existen en Galicia non cumpren a Directiva Marco da Auga (DMA), que asegura o estado ecolóxico dos ríos, e moitas construíronse máis por intereses económicos de particulares que por necesidades enerxéticas reais da poboación.

Neste vídeo falan do caso do encoro de A Baxe no río Umia, en Caldas de Reis:

[youtube: Demolicion de presas en telediario TVE1]

Centrais hidroeléctricas? Poden ser necesarias, pero non a calquera prezo. Cómpre un uso e aproveitamento máis racional dos recursos e espazos naturais, pois son patrimonio de todas as persoas.

Para a reflexión:
[Lista de reprodución de youtube: Defendendo os Rios da Amazônia]

 

Para repasar o funcionamento das centrais hidroeléctricas:


Chocolate solar

Hoxe recibimos o verán facendo chocolate no patio con dúas cociñas solares.

A primeira é do tipo Fun-Panel, e fixérona o curso pasado os alumnos e alumnas de 3ºPDC, así que xa é coñecida no insti. A partir duns paneis de polipropileno celular fíxose a estrutura seguindo un modelo, forrouse con papel de aluminio utilizando silicona como cola, e lista!

cocinha_solar1.jpg

O segundo modelo que estreamos este ano utiliza unha antena parabólica de telecomunicacións. Só houbo que forrala con papel de aluminio, atopar o foco e buscar un soporte para a pota para mantela no punto correcto, iso si, revisando a posición cada certo tempo, xa que ao moverse o Sol o foco cambia de lugar.

cocinha_solar2.jpg
(Nesta foto xa lle quitáramos á pota o plástico envolvente e, aínda que pareza que non, é negra.
A cor brillante da pota é o reflexo da luz concentrada nela)

En dúas horas as cociñas chegaron aos 100ºC, así que houbo que separar as potas de chocolate e poñelas á sombra mentres non chegaba a hora á que quedamos para a chocolatada.

Para quecer o chocolate aproveitamos o que sabemos sobre a transmisión de enerxía calorífica e buscamos estes efectos:

Colector_parabolico.jpg1. Concentración:

A enerxía térmica transmítese do Sol á Terra por radiación, é dicir, en forma de ondas electromagnéticas. As cociñas funcionan como concentradores solares, facendo que toda a radiación que chegue a elas se concentre nun punto ou superficie pequena. É alí onde colocamos a ola.

Seguro que tamén sabedes que o negro absorbe moi ben as radiacións, así que por iso pintamos as potas de negro.

2. Acumulación:

esquemaInvernadoiro.jpgInterésanos que a enerxía térmica non escape do chocolate para que se vaia acumulando e vaia aumentando a súa temperatura. Para iso puxemos unha bolsa de plástico (polipropileno) rodeando cada ola, de xeito que no interior prodúcese o efecto invernadoiro. O aire quente circulará por convección no interior da bolsa.

A bolsa con aire no seu interior tamén fai de elemento illante, evitando que a enerxía térmica escape por condución.