tecnoloxia.org

Tecnoloxía na Educación Secundaria

Cortinas de auga

Randearse nun parque pode resultar máis emocionante se o facemos a través dunha cortina de auga como a do vídeo. Está todo calculado para que non haxa auga no momento en que pases pola vertical.

[youtube:Waterfall Swing – World Maker Faire]

modulos-de-distribucion-de-agua_cortina-de-agua-digital

Imaxe: Safe-Rain

Para crear o muro de auga, esta é bombeada ata a parte superior da estrutura, onde hai unha canle distribuidora na que se sitúan unha serie de electoválvulas, que abrirán ou pecharán o paso da auga ao exterior segundo as ordes eléctricas que reciba dun controlador. Neste caso, uns sensores montados no bambán recollen información sobre o ángulo e a velocidade de cada balanceo e envíana ao controlador que, mediante software, calcula cando se deben abrir e pechar as electroválvulas para que se cree un burato na parede de auga no momento preciso.

Mediante este sistema poden crearse cortinas de auga con letras, gráficos, animacións, efectos luminosos, etc.

Un exemplo podémolo ver neste vídeo, no que se mostra unha fonte na estación de Osaka (Xapón) que, aparte de funcionar coma reloxo indicándonos a hora, entretén a xente con todo tipo de figuras e animacións feitas con auga.

[youtube:Waterfall Graphic Print (Osaka Station City) 1]

Na web de Safe-Rain explican como se fan este tipo de cortinas de auga dixital ou as fontes danzantes que atopamos nas prazas de moitas cidades.

Hai anos fixéramos en 4º unha fonte intermitente utilizando unha bomba de auga controlada por un 555. Cunha placa arduino sería máis fácil de programar, e poderíanse crear efectos curiosos. Queda no aire coma idea para un proxecto de control e robótica.…

Minifontes de alimentación

cargador móbilTiña pensado facer con 4º de ESO unhas fontes de alimentación para os proxectos, como vin en obsoletos, pero botóusenos o tempo enriba e xa non nos dá tempo, así que querará para o curso que vén.

O tema é que temos no taller unha chea de cargadores de teléfonos móbiles que nos serven para os proxectos, pero que teñen o inconveniente de que cada un dános unha tensión diferente.

Para moitos circuítos eléctricos dános igual un voltio arriba ou abaixo, pero cos circuítos electrónicos hai que ter máis coidado.7805.jpg

Unha solución é utilizar un regulador de tensión como o que ves na imaxe (7805)

Calquera tensión comprendida entre 7 e 36 V á entrada (primeira pata) dá como resultado 5V á saída (terceira pata). A pata do medio é a que se conecta a terra. Dese xeito sempre teremos 5 V na saída, independientemente do cargador que conectemos.

Este sería o circuíto que propoñen en obsoletos, que tamén conta cun interruptor e un LED indicador:

fonte-5v.jpgfonte-5v2.jpg

Nós farémolo doutro xeito. No canto do conector de pilas utilizaremos unhas regletas de conexión ou clemas nas que poidamos conectar os cables cortados dos cargadores ou o que queiramos. E na saída tamén poremos ouras clemas no lugar dos pins para protoboard, facéndoo máis versátil e que nos valga tanto para pinchar na protoboard como para os proxectos con circuítos eléctricos sinxelos.

En Obsoletos tamén nos dán outro esquema de fonte de alimentación regulable, esta vez con amplificadores operacionais, pero para traballar na ESO prefiro as fontes fixas, xa que hai o mal costume de que, cando un circuíto non funciona, subirlle a tensión por se o problema é a falta de voltios, provocando o estrago dos compoñentes. Así que mellor fixas.

Bueno, aínda no rematou o curso e xa imos tendo traballo para o que vén.…

A billa máxica

Cando se deseña e constrúe un obxecto ou sistema, a orixinalidade non ten por que estar reñida coa funcionalidade. Aquí tes un exemplo dunha fonte:

fontebilla.jpg

(Vía: Inspire me, now!)

Un deseño orixinal pero que non sexa funcional e práctico non vale, a non ser que se trate dunha obra de arte que só persiga chamar a atención.

sofa_huevos.jpg

Tarefa:
– Buscar formas orixinais para obxectos funcionais cotiáns.
– Mellorar a funcionalidade de obxectos de deseño que non vexas funcionais.…