Desde o mes de decembro de 2011 estou a colaborar no portal educacontic.es escribindo un artigo semanal (a partir de agora quincenal) cuxa finalidade é dar a coñecer recursos útiles para o ensino da ciencia e da tecnoloxía.
Cada certo tempo irei traendo a tecnoloxia.org aqueles que máis teñan que ver co ensino da tecnoloxía.
Aquí tedes a primeira quenda:
As escalas do Universo:
Unha viaxe desde o máis pequeno ata o máis grande, con recursos que nos facilitan a comprensión das escalas, e dos múltiplos e submúltiplos de 10.
Fabricación dun automóbil:
Témolo tratado outras veces neste blogue, especialmente a visita a Citroën, pois é a que temos máis preto, pero nesta ligazón podemos facer visitas virtuais a outras fábricas.
OpenStreetMap: A alternativa libre a GoogleMaps:
OpenStreeMaps nos permite desenvolver de xeito colaborativo mapas e datos xeográficos, descargalos no noso ordenador, ou utilizalos no noso GPS.
Calibre e micrómetro. Simuladores:
Neste artigo explicamos como se utilizan o calibre e o micrómetro e aprendemos a manexalos utilizando unha serie de recursos en flash.
Como podo escribir caracteres especiais en Internet?:
Se queredes escribir algún carácter concreto na rede, coma un símbolo matemático ou un superíndice, e non sabedes o seu equivalente en HTML, neste artigo tes varias ligazóns que te poden axudar.
Escribín tamén outros artigos con recursos útiles para o ensino das diferentes disciplinas científicas:
- As leis de Newton no ximnasio
- Coordenadas, antípodas, horas de luz, sombras, e máis
- Miopía e hipermetropía
- Anatomía humana interactiva
Outros colaboradores e colaboradoras de educacontic participan con interesantes artigos sobre temas do máis variado. Non vos perdades as viñetas de Néstor Alonso, os recursos para Educación Plástica de Lucía Álvarez, ou a recente incorporación de Lluis Tomas sobre coñecemento aberto e software libre.
Agardo que vos resulte de interese!
