Obradoiro “A Maxia da Robótica” e II Concurso galego de Robótica

lego_escorpion.gifNa Semana da Ciencia 2009, a Institución Galega de Ciencia (IGACIENCIA) organiza o Obradoiro ‘A Maxia da Robótica’ e o II Concurso galego de Robótica

O hardware utilizado será Lego Mindstorms.

  • Datas: do 9 ao 14 de novembro de 2009
  • Lugar: Casa das asociacións. Avenida de Vilagarcía, 43, Santiago

Máis información e inscrición en IGACIENCIA

– – – – –

Actualización 17/10/09: a actividade ten unha duración de só unha hora, e consiste en prácticas básicas cos robots de Lego, polo que non compensa ir co alumnado de Baiona que se tería que desprazar a Santiago. Ademais xa dispoñemos de robots Lego cos que traballar.

A convocatoria pode ser de interese para os centros de Santiago e arredores, ou centros que non dispoñan de robots Lego e queiran probalos.


Robot Lego que resolve Sudokus

A min nunca me deu por aí, pero moita xente entretense resolvendo sudokus. É un xeito de pasar o tempo coma outro calquera, pero paréceme máis interesante conseguir que un robot Lego Mindstorms sexa capaz de resolvelos por si mesmo, anque non deixa de ser un pasatempo.

En primeiro lugar o robot escanea o sudoku a resolver, logo calcula os números que ten que escribir e por último escríbeos. Podes velo neste vídeo.


youtube: LEGO Mindstorms Sudoku Solver

De momento non temos as instrucións, pero din na páxina do proxecto que teñamos paciencia, pois van publicalas proximamente.

Do que si teñen instrucións é dun robot que resolve cubos de Rubik, por se queres facer un.

(Visto en Make)


Cogitate. Xogo coas pezas de Lego Technic

Cogitate é un xogo no que tes que colocar de forma axeitada vigas, engrenaxes e motores coma os que teñen os equipos de Lego para orientar as pezas cara ó obxectivo marcado en cada nivel.

cogitate.jpg

Ollo co prezo de cada elemento, pois debes ser capaz de chegar coa mellor relación eficiencia/custo para cada nivel.

Aquí tes un vídeo demostrativo:

Acceder ao xogo


Sorteo de produtos Lego

lego-nxt.jpgNo blogue “Lego Mindstorms NXT en español” infórmannos sobre unha rifa de produtos Lego.

Para participar tes que enviar un correo electrónico a thenxtstep2009@gmail.com co asunto “LEGO MINDSTORMS Raffle Entry” no que contes a túa experiencia e opinión sobre o material Lego Mindstorms. Pódeche tocar un set de Lego NXT 2.0 como premio.

A mensaxe ten que estar en inglés, e debe ter entre 50 e 100 palabras. Tes ata o 10 de agosto para enviala.

Tes máis información en thenxtstep.blogspot.com.


Baiona robocampioa!

A flota de robots do IES Primeiro de Marzo (Baiona) arrasou no campionato Robocampeones09 en Móstoles (Madrid)

Parabéns aos rapaces e rapazas de Baiona responsables do seu deseño e programación, ao resto de equipos que participaron na competición e que recibiron os seus merecidos premios, e tamén aos equipos que quedaron sen ser finalistas, pero que traballaron coma os mellores.

Foto conxunta dos institutos premiados: (clica aquí para ampliar)

campions2.jpg

Campións na proba libre: O equipo baionés “Roboparking“.
Un aparcamento robotizado de catro prazas, capaz de contar os coches que entran e saen, pechar a barreira cando está cheo, e amosar nun cartel se está libre ou ocupado.
(Actualización: Podes ver aquí o vídeo co funcionamento)

Na foto están Sandra e Ángela, as representantes en Madrid. Parabéns tamén a Iago e a Javier que, anque quedaron en Baiona, traballaron estupendamente no deseño, construción e programación do roboparkin. Por suposto, o premio é para o equipo completo.

roboparkin1.jpgroboparkin2.jpg

Na proba de rescate quedou subcampión o equipo “Xen“. Felicidades a Jessica e a Daniel polo seu magnífico traballo.

xen.jpg

O equipo “Chandebrito” de 4º de ESO clasificouse como finalista, pero unha descolocación do sensor ultrasónico no último momento antes de competir na final fixo que fallase o robot na superación dos obstáculos. Foi unha mala pasada e quedaron oitavos, pero todos vimos como traballaron e o ben que funcionaba o programa que levaba o robot. Brian, Diego, Óscar e Vero tamén son uns camións!

chandebrito.jpg

Grazas ao profesorado do IES Ana María Matute de Velilla pola súa acolleita os días previos á competición, especialmente a Jesús e a Ángel, e tamén ao alumnado de Velilla polo xenial apoio que lles deron aos rapaces e rapazas de Baiona. Unha experiencia inesquecible.

Na foto: Os equipos de Velilla e Baiona antes da competición. (clica aquí para ampliar)

equipo2.jpg

Felicidades aos equipos de Velilla, que tamén obtiveron uns magníficos resultados.

Por último, as grazas e parabéns ao profesorado responsable da organización de Robocampeones09 e ao instituto IES Antonio Nebrija de Móstoles pola magnífica organización do evento.

Os robots de rescate de Velilla e de Baiona:

flota.jpg

———-
Actualización 26/05/2009:

Nova publicada no Faro de Vigo: “Enxeñeiros de futuro en Baiona”