LEGO

Fotos das Xornadas de Robótica Baiona-Velilla

por

Aquí tedes unha mostra fotográfica das Xornadas de Robótica que tiveron lugar a semana pasada no Instituto. (Faltan os vídeos, que se publicarán proximamente)

Foi unha excelente experiencia de convivencia entre o alumnado de Baiona e o de Velilla que veu visitarnos. Parabéns a tódolos rapaces e rapazas polo seu traballo e tempo dedicado. Intentaremos repetir a experiencia outros anos.


Xornadas de robótica Velilla-Baiona from María L on Vimeo.

Agora toca seleccionar aos 8 alumnos e alumnas que asistirán á competición de robocampeones 2009 o 22 de maio. E a ver se hai sorte!

Tamén saímos no xornal:
La Voz de Galicia: “Competición con robots en Baiona”
Faro de Vigo: “Xornadas de Robótica e intercambio cun centro de Madrid no IES Primeiro de Marzo”

Artigo da Voz de Galicia: 29 de Abril de 2009

Competición con robots en Baiona

Alumnos do IES Primeiro de Marzo e estudantes de Madrid viviron onte unha xornada intensa de adestramento para o campionato estudantil de robótica

Nas carreiras de robots organizadas no Instituto Primeiro de Marzo de Baiona non gañan os máis rápidos, senón os máis intelixentes, aqueles que son capaces de sortear todos os obstáculos do circuíto.

Estudantes de cuarto curso de ESO e de primeiro de Bacharelato encargáronse de montalos e de programalos para que funcionen de xeito autónomo e sexan capaces de ofrecer solucións ante as situacións máis diversas.

Aínda quedan uns días para realizar os últimos axustes nos prototipos. O próximo 22 de maio mediranse con estudantes de todo o país nunha proba robótica que se celebrará en Madrid. Aspirasen ao título bautizado como «Robocampeones 2009».

Formarán parte dunha escuadra conxunta que tamén integran alumnos dun instituto de Cataluña, outro do País Vasco e outro de Madrid. A experiencia tamén lles serve para coñecer a outros novo estudantes e viaxar. O ano pasado acudiron á localidade de Velilla de San Antonio para perfilar os detalles da competición. E nesta ocasión foi un grupo de alumnos do instituto deste municipio madrileño os que se achegaron ata Baiona para compartir uns días de convivencia cos estudantes baioneses e coñecer os lugares máis emblemáticos da vila. Chegaron o pasado domingo e a súa volta a casa está prevista para hoxe mércores.

O programa está organizado polo departamento de Tecnoloxía do Primeiro de Marzo e está coordinado pola profesora María Loureiro para que os mozos experimenten as aplicacións das novas tecnoloxías hoxe en día. O centro de secundaria accedeu a unha axuda do Ministerio de Educación coa que puideron adquirir os robots que agora utilizan os estudantes e cos que queren demostrar que son uns campións.


Xornadas de Robótica Baiona-Velilla

por

Os vindeiros luns 27 e martes 28 de abril acolleremos no IES Primeiro de Marzo de Baiona ao alumnado do IES Ana María Matute, de Velilla de San Antonio (Madrid), que participará, xunto co alumnado de tecnoloxía de 4º de ESO e 1º de Bacharelato, nunhas xornadas intensivas de robótica como preparación para a competición de Robocampeones o vindeiro 22 de maio en Madrid.

pista_robotica09.jpgDesexámoslles unha boa viaxe, e unha mellor estancia na Vila de Baiona.

A competición consiste en construír e programar un robot capaz de desprazarse nun recinto que simula unha situación de desastre, localizando vítimas tendidas no chan.

Na primeira parte do percorrido a traxectoria guiarase por unha liña negra na que se atopan as vítimas, pero o robot atoparase con tres escombros (latas) que terá que sortear.

Na segunda parte do percorrido non haberá liña que faga de guía, senón que será unha habitación delimitada por unha liña negra na que o robot terá que facer o posíbel por atopar vítimas e saír dela.

Podes descargar aquí o regulamento da competición que estamos a preparar.


Obradoiro Enxeño

por

Cun pouco de retraso, aquí están as fotos e vídeos do alumnado de 2º de ESO participando no obradoiro de robótica “Enxeño” na ETSE de Telecomunicación da Universidade de Vigo.

Vídeo:


(Se queredes unha copia en maior resolución pedídema)

Galería de fotos en Flickr:


Oitavos en robocampeones!

por

Este venres oito alumnos e alumnas de Baiona asistiron ó campionato de robótica “robocampeones“, en Madrid.

Dous dos equipos que levamos quedaron empatados coa mesma puntuación na proba de rescate, e quedaron no oitavo posto dun total de 32 equipos participantes. Non está nada mal para ser o primeiro ano que nos metemos nisto, pero podería ter saído mellor se non tiveran tantos problemas coa calibración.

Quero felicitar a estes rapaces e rapazas polo seu traballo, esforzo e dedicación. Así dá gusto.

Tamén quero felicitar á organización e animar ao profesorado a que participe co alumnado neste tipo de eventos, pois paréceme unha experiencia fantástica.

Déixovos a foto dun dos robots que participaron, o primeiro robot galego en “robocampeones”:

robot Lego


Nova sección de control e robótica

por

robot LEGOAbrín hai pouco unha nova sección de control e robótica, á que podedes acceder dende o panel lateral esquerdo. Aínda está incompleta, pero irei ampliándoa pouco a pouco cando vaia atopando tempo, e centrareime en principio nos contidos de robótica con LEGO, en consonancia co material do que dispoñemos para traballar esta parte do currículo.

Tamén podedes ver unha nova ligazón: Robot-Ingenio. É un blogue no que participamos os catro institutos que estamos no proxecto de robótica que empezamos a poñer a andar este curso. De momento aínda estamos subindo as fotografías e vídeos de presentación, pero iremos subindo proximamente outra información sobre como van transcorrendo as probas.

Mañá nas VIII Xornadas de Tecnoloxía de Galicia impartirei o obradoiro “Robots en acción”, así que se alguén desexa probar a programación de robots LEGO pode apuntarse (máximo 12)