Boas festas e a recargar as pilas estas vacacións!
Necesitámolas ben cargadas no 2009 para que nos funcionen as prácticas e proxectos de tecno.
Mira a Season´s greetings machine completa
E .. retomando as recomendacións do ano pasado: En Nadal, feito a Man!
Chega o Nadal e, anque hoxe en día lévase máis enviar un SMS para desexar un estupendo aninovo, non está de máis utilizar o método postal tradicional para enviar unha tarxeta, anque propoño que non sexa mercada, senón de fabricación propia e … con movemento!
En thingiverse podemos atopar interesantes modelos mecánicos que podemos aproveitar para deseñar as nosas tarxetas de felicitación.
Tarxeta de engrenaxes rectas:
Ao mover a roda dentada de fóra vai aparecendo unha mensaxe. (Instrucións. Plantilla-zip)
Tarxeta de engrenaxes planetarias:
Conséguese unha orixinal tarxeta mecánica. (Instrucións. Plantilla-zip)
Tarxeta con engrenaxes cadradas:
Aproveita este modelo para fabricar unha tarxeta mecánica. (Instrucións. Plantilla-zip)
Aquí tes un vídeo no que se poden observar en movemento:
[Things – Adam Mayer Digitally Designed Geared Business Cards
from Bre Pettis on Vimeo.]
En bardlund explícannos como montar unha man “animatrónica”.
Necesitamos:
Como idea para un proxecto, poderiamos incorporar un mecanismo con cegoñal que tire das cordas e conseguir así que o movemento da man sexa automático.
E se queres coñecer sistemas máis sofisticados, busca información en internet sobre mans biónicas.
Un exemplo: Man biónica ‘Michelangelo’
Fantastic Contraption é un xogo de construción mecánica que consiste en ir pasando niveis a base de construír pequenos mecanismos con motores e pancas para levar unha peza dun sitio a outro. Os niveis, coma sempre, van de menos a máis.
A divertirse!
