tecnoloxia.org

Tecnoloxía na Educación Secundaria

Viaxe polo mundo nanométrico

A través de Microsiervos, e tamén recomendada polo meu amigo Juan, de Electrónica Pascual, chéganos unha interesantísima aplicación coa que podemos mergullarnos no mundo do micro e nanocosmos: Nanoreisen.
Comeza a escala humana, e chega a valores de femtómetros, 10-15 metros.

Non te perdas a viaxe polo computador persoal. Podes entrar no interior dun microprocesador e provocar o cambio de estado dos transitores. Pero a cousa non se queda alí, pois podes introducirte dentro dun átomo ata a escala dos Quarks.

Outra aventura interesante é introducirse no interior do faro dun automóbil e descubrir de onde vén a luz que emiten os LEDs.

Clica na imaxe para acceder á apliación:
nanoreisen.jpg

Boa viaxe!…

Fotciencia 08

Xa podemos ver as fotos do Certame Nacional de Fotografía científica Fotciencia 2008.

Eu quédome coas fotografías microscópicas. Ábrennos os ollos a un mundo completamente descoñecido, pero non por iso menos real co macroscópico. Non e vano a nanotecnoloxía está a empezar a cambiar o noso entorno artificial, anque non nos deamos de conta, e máis o fará nos vindeiros anos.

Nano-metrópoli
00404a.png

A imaxe superior presenta nanoestruturas dun óxido metálico obtido en laboratorio que evocan o perfil dunha metrópoli, ofrecendo unha conexión visual entre o seu mundo submicrométrico e as nosas dimensións humanas, onde serán integradas.

A rede dos desexos (Media térmica)
00029 - Imagen1.png

Un textil termorregulador é un tecido que é capaz de reaccionar de distinto xeito en función das condicións térmicas do medio externo que o rodea. Se o medio externo é de elevada temperatura, esta clase de tecidos provocará unha sensación de frescor sobre o individuo, e viceversa. Este particular comportamento conséguese grazas á incorporación de microcápsulas que conteñen no seu interior un material de cambio de fase ou tamén chamado PCM “Phase Change Material”.

Podes ver o resto de fotografías en Fotciencia08.…