Algunha vez temos feito en clase o experimento de acender un LED cun limón, e hai tempo faleivos da escultura de patacas de Kristof Kintera.
Pois hoxe temos un cargador para o iPhone feito con 2.380 anacos de laranxa:
[youtube: Orange Fruit Batteries Power An iPhone]
Non se trata de conectar en serie as laranxas sen máis. Para cargar a batería dun iPhone temos que acadar unhas voltaxes específicas en cada cable do conector:
terra=0V, D+=2V, D-=2.5V e V+=5V.
Así que cómpre facer os cálculos e medidas necesarias para lograr eses valores coas laranxas.
Andar con laranxas é bastante engorroso, así que se non temos cargador sempre podemos recorrer á electrónica, como nos explican en raton.cl. Alí móstrannos uns sinxelos circuítos para cargar o iPhone cun conector USB (usa asociación de resistencias como divisoras de tensión) ou co conector do coche (utiliza un regulador de tensión).
