tecnoloxia.org

Tecnoloxía na Educación Secundaria

Premios Bitácoras 2012

Votar en los Premios Bitacoras.com Xa está en marcha a oitava edición dos Premios Bitácoras, un evento anual que ante todo serve para dar a coñecer o panorama blogueiro mediante a votación a través de diferentes categorías a blogues escritos en calquera das linguas oficiais do estado.

É unha interesante oportunidade para dar a coñecer e apoiar aqueles blogues que son do teu interese. Se tecnoloxia.org é un deles, podes darlle un voto na categoría de Educación.

Para participar só tes que rexistrarte en bitacoras.com, ir á páxina de votación , marcar alí os teus blogues favoritos, introducir un odioso captcha e darlle a aceptar.

Tede coidado de non votar desde os centros de ensino, pois moitos saímos coa mesma IP da Consellería de Educación, e isto pode facer que se bloqueen os votos.…

Terceiros en Robocampeones 2011

De novo chegamos de Robocampeones cun trofeo: O equipo Baiñedo formado por Manuel, Gael e Esteban acadou o terceiro premio na proba de relevos. Parabéns campións!
robocamp11-3.jpg

Os equipos BaiOia (Samuel e Paula) e The Escarallas (Javier e Jonatan) tampouco quedaron nada mal: sétimos e oitavos dun total de 30 equipos participantes na proba de relevos. Moi ben!

robocamp11-5.jpg
robocamp11-4.jpg

Parabéns aos outros equipos gañadores da proba de relevos, de Toledo e Bizkaia. Uns cracks!

O proxecto da proba libre “Robomulta” non gañou ningún premio, pero tamén hai que felicitar a Sara e a Chono polo seu traballo, e tamén ao resto da clase que axudou na construción. Problemas técnicos a última hora, nervios e medo escénico desluciron un pouco o proxecto de control de velocidade, pero o traballo está moi ben, así que felicidades!
robocamp11-6.jpg
Máis adiante informaremos máis sobre este proxecto, con algún vídeo e explicacións máis detalladas.

Hai que agradecer ao IES Sefarad de Toledo a fantástica organización do evento, especialmente a Julio e a Mati. Un 10 para o IES Serafad!

Grazas a Jesús e a Javier que nos acolleron e felicidades ao alumnado de Velilla, que aínda que non gañasen ningún premio fixeron un traballo estupendo.

robocamp11-5.jpg

Foto conxunta Baiona-Velilla. Clica na imaxe para ampliar

E nada, xa se nos acaba o programa Arce. 4 anos estupendos cos institutos de Velilla (Madrid), el Greco (Toledo) e Zalla (Bizkaia). Unha experiencia magnífica.

—–

Actualización 22 de maio de 2011:

Saímos no xornal Faro de Vigo:
farodevigo_22-05-2011.jpg
Clica na imaxe para ampliar | Ver a edición dixital.

Premios Bitácoras 2010

Xa están en marcha os premios Bitácoras 2010, así que invítovos a que votedes por tecnoloxia.org na categoría de educación ou de tecnoloxía. Tedes ata o 22 de outubro.

Clica na imaxe para votar. Na páxina só tes que elixir a categoría (educación) e darlle a un “+” que aparece á dereita. Ao final da páxina hai que introducir un código para confirmar o voto.

A ver se conseguimos clasificar a tecnoloxia.org entre os 10 primeiros blogues educativos como o ano pasado.…

Premiados en Robocampeones 2010!

O alumnado do IES Primeiro de Marzo de Baiona foi premiado no campionato de robótica Robocampeones 2010 que se celebrou o venres 28 de maio no IES Jovellanos de Fuenlabrada (Madrid)

O segundo posto da Proba Libre levouno a máquina expendedora de caramelos “Lambetadas Baiona” que deseñaron, construíron e programaron os alumnos de Tecnoloxía Industrial de 1º de Bacharelato. Un gran traballo de enxeñería. Parabéns!

Os representantes en Madrid foron Damián, Pablo e Javier

lambetadas1.jpglambetadas2.jpg

Máis adiante xa publicaremos máis fotos, vídeos e a explicación do funcionamento da máquina que, resumindo, é capaz de distinguir moedas de 50 e 10 céntimos e permite a selección de tres tipos de caramelos mediante dous mecanismos diferentes.
(Actualización: Xa podes ver a páxina do proxecto)

Na Proba de Rescate, na que participaron unha trintena de equipos, tamén quedaron moi ben.

O equipo Lucecú formado por Daniel (4º ESO A) e Javier (1º Bach) quedou terceiro. Un gran traballo, Felicidades!

3rescate.jpg

O equipo O Morriñas formado por Jessica e Anxo de 4º ESO B quedou no cuarto posto. Non levaron copa, pero o resultado é tamén magnífico. Parabéns!

4rescate.jpg

O equipo Sapoconcho formado por Irene e Arancha de 4º A non se clasificou para a final debido a un problema ao esquivar unha lata, pero fixérono tamén fenomenal. Son tamén unhas campioas!

5rescate.jpg

Moitos alumnos e alumnas quedaron en Baiona e non puideron asistir á competición, pero tamén traballaron estupendamente todo este tempo. Os premios son para todos e todas, xa que son produto da enorme implicación e traballo en equipo do alumnado de Tecnoloxía. Felicidades!

todos.jpg

Grazas ao IES Gaspar Melchor de Jovellanos e en especial a Víctor polo traballo de organización, e o noso máis sinceiro agradecemento a César e ao alumnado do IES El Greco de Toledo polo magnífico trato recibido acolléndonos no seu instituto os días previos á competición.

Actualización 01-xuño-2010
Saímos no xornal Faro de Vigo (clica na imaxe para ampliar)

FarodeVigo01-06-2010.jpg

Todo isto é posible grazas ao programa Arce de agrupamentos escolares do Ministerio de Educación.…