proceso

Os plásticos

por

Nestes vídeos explican de xeito ameno e sinxelo que son os plásticos, tipos e características, como se fabrican, métodos de conformación (vemos os procesos de extrusión, inxección, soprado, etc) e as súas aplicacións.

[youtube: Lista de reprodución – Plásticos (2 vídeos)]

Neste vídeo de Discovery Channel podedes ver como se fabrican as botellas de plástico PET (polietileno tereftalato):

[youtube: Cómo se hacen las botellas de plástico]

E tamén son interesantes as animacións de procesos industriais de CDP (Centre de développement pédagogique pour la formation générale en science et technologie)

Para ver outras animacións vai a Industrial processes

E se todo isto paréceche aburrido, sempre podes entreterte estoupando esta lámina de polietileno con burbullas de aire. (Vía: tecnologiahabitual)

[papel bolha]

E aquí tedes unha máquina de fabricar papel burbulla

[youtube: Maquina De Bolsas Para Relleno Pillow Pak’r]


Fabricación dun automóbil

por

O venres e o luns iremos visitar a factoría PSA-Peugeot-Citroën en Vigo. Para ir preparándonos para o que imos ver temos o seguinte material:

O proceso:

Na páxina de PSA-Peugeot-Citroën temos estupenda animación do proceso de fabricación, no que se ve:

  • embutición: a partir de chapa galvanizada fanse as distintas pezas da carrocería
  • soldadura: ensamblado e conformación das pezas mediante robots soldadores
  • pintura: realízase mediante robots, pero nós non imos ver esta parte
  • montaxe: colócanse a portas, taboleiro de mandos, asentos, parabrisas, rodas, motor, etc.
  • e o control de calidade final.

Clica na imaxe para ver a animación flash.
proceso de fabricación

Vídeos:

Como isto non é máis ca unha animación, cómpre ver tamén uns vídeos do proceso

citroen_video.jpg

Robots industriais:

Teñen tamén unha animación do funcionamento dos robots industriais utilizados na fábrica.

robot

Consignas de seguridade para a visita:

  • Deben vir calzados con calzado deportivo ou zapatos de punta redonda.
  • Non se permite a entrada ao centro con mochilas, así que deberán deixalas no autobús.
  • Antes de comezar a visita, entregaranse unhas batas, zapatos ou punteiras de seguridade e lentes de seguridade.
  • Todo o material deberá ser devolto unha vez finalizada a visita.
  • Nos talleres hai marcadas no chan uns camiños peonís, que deberán ser utilizados pola visita, xa que os corredores son estreitos e utilízanos para fornecer material ás liñas de fabricación.
  • Durante o percorrido pasarase por corredores por os que cruzan vehículos, así que se debe ir moi atento.
  • A visita deberá ir agrupada; é dicir, non deberá quedar xente atrasada nin disgregada do grupo principal.
  • No percorrido realizaranse varias paradas para ver operacións concretas do proceso de fabricación dun automóbil. Nestas paradas, os visitantes deberán agruparse seguindo as indicacións, con coidado de non invadir os corredores, para poder escoitar as explicacións que dará a azafata.
  • En caso de incumprimento reiterado da normativa de seguridade, a azafata está autorizada para dar por finalizada a visita, aínda que non se remate o percorrido previsto.

Que é o que están a facer?

por

O canal de televisión Discovery ten un interesante sitio sobre tecnoloxía, no que podemos atopar vídeos, historia, xogos, etc.

Nun dos interactivos temos que demostrar o que sabemos sobre os procesos de fabricación averiguando o que están a facer en cada vídeo. Clica aquí ou na imaxe para acceder ao xogo.

queestanafacer.jpg

A ver quen consigue máis puntos!

Alí tamén temos unha experiencia de Realidade Aumentada sobre a exploración marciana. Só necesitas unha cámara web, imprimir a plantilla, e podes ver a Rover no teu escritorio.

ARmarte.jpg

Podes ver outros exemplos de realidade Aumentada publicados neste blogue


Fabricación e montaxe de aeroxeradores

por

Moitos e moitas de vós xa coñecedes as partes dun aeroxerador e sabedes cómo funciona, pero … Sabedes como se fabrica e se monta?

Na web de Gamesa, empresa especializada na fabricación de aeroxeradores, móstrannos como é o proceso de fabricación e de montaxe.
Podes velo nesta infografía: (preme na imaxe para acceder a ela)

gamesa.png

Ou tamén podes ver a explicación con texto e imaxes.

(Via: Ingeniería en la red)

Actualización 5/11/2011:
Interesante vídeo da instalación dun aeroxerador visto en microsiervos:
[youtube: Charlestown Wind ]

Se che interesa, tes máis anotacións sobre aeroxeradores publicadas en tecnoloxia.org