tecnoloxia.org

Tecnoloxía na Educación Secundaria

Terceiros en Robocampeones 2011

De novo chegamos de Robocampeones cun trofeo: O equipo Baiñedo formado por Manuel, Gael e Esteban acadou o terceiro premio na proba de relevos. Parabéns campións!
robocamp11-3.jpg

Os equipos BaiOia (Samuel e Paula) e The Escarallas (Javier e Jonatan) tampouco quedaron nada mal: sétimos e oitavos dun total de 30 equipos participantes na proba de relevos. Moi ben!

robocamp11-5.jpg
robocamp11-4.jpg

Parabéns aos outros equipos gañadores da proba de relevos, de Toledo e Bizkaia. Uns cracks!

O proxecto da proba libre “Robomulta” non gañou ningún premio, pero tamén hai que felicitar a Sara e a Chono polo seu traballo, e tamén ao resto da clase que axudou na construción. Problemas técnicos a última hora, nervios e medo escénico desluciron un pouco o proxecto de control de velocidade, pero o traballo está moi ben, así que felicidades!
robocamp11-6.jpg
Máis adiante informaremos máis sobre este proxecto, con algún vídeo e explicacións máis detalladas.

Hai que agradecer ao IES Sefarad de Toledo a fantástica organización do evento, especialmente a Julio e a Mati. Un 10 para o IES Serafad!

Grazas a Jesús e a Javier que nos acolleron e felicidades ao alumnado de Velilla, que aínda que non gañasen ningún premio fixeron un traballo estupendo.

robocamp11-5.jpg

Foto conxunta Baiona-Velilla. Clica na imaxe para ampliar

E nada, xa se nos acaba o programa Arce. 4 anos estupendos cos institutos de Velilla (Madrid), el Greco (Toledo) e Zalla (Bizkaia). Unha experiencia magnífica.

—–

Actualización 22 de maio de 2011:

Saímos no xornal Faro de Vigo:
farodevigo_22-05-2011.jpg
Clica na imaxe para ampliar | Ver a edición dixital.

Marchamos a ‘Robocampeones’!

Unha selección de 8 alumnos e alumnas de Baiona sairán hoxe cara Madrid para pasar dous días cos rapaces e rapazas de Velilla que viñeron visitarnos os pasados 11 e 12 de abril, dentro do programa Arce de Agrupamentos escolares.

O venres 20 asistiremos á competición “Robocampeones 2011” no IES Sefarad de Toledo.

Foto conxunta dos equipos de Baiona e Velilla:
Xornadas2011_grupo.JPG
(Clica aquí para ver a foto con maior tamaño)

Moita sorte!…

Xornadas de Robótica Baiona-Velilla 2011

2011robo1.pngOs vindeiros luns 11 e martes 12 de abril recibimos no IES Primeiro de Marzo a un grupo de rapaces e rapazas do IES Ana María Matute, de Velilla de San Antonio (Madrid), para participar nas III Xornadas de robótica organizadas polo departamento de Tecnoloxía do noso instituto, dentro do proxecto que temos no programa Arce de agrupamentos escolares.

Polas mañás dedicarémonos a deseñar, construír e programar robots que superen unha proba de relevos:

Un robot deberá recoller unha lata dentro dun circuíto e levala a outro punto do mesmo, onde estará agardando un segundo robot, que deberá recoller a lata e desprazala ata a meta.

Tedes aquí o regulamento da competición:

Haberá que esmerarse e facelo ben, xa que as e os mellores serán quen represente a Baiona na edición deste ano de Robocampeones, que se celebrará o 20 de maio en Toledo.

Polas tardes temos programadas excursións para ensinarlle o entorno ao alumnado visitante: O luns andaremos por Baiona e o martes iremos a Vigo e cruzaremos a ría en barco, ata Cangas.

Desexámoslle ao alumnado de Velilla unha boa estancia!

Se queres, podes ver aquí as edicións dos anos anteriores

Vídeo da viaxe a Toledo e Robocampeones 2010

Aquí vai o vídeo da viaxe que fixemos a Toledo e da competición Robocampeones 2010 dos días 26, 27 e 28 de maio, no que participou alumnado de tecnoloxía de 4º de ESO e 1º de Bacharelato, no marco do programa ARCE de agrupamentos escolares.


[Robocampeones 2010 from María L on Vimeo.]

Música:
[goear: Friends Theme – I´ll be there for you – The Rembrandts]
[goear: She – Green Day]

Premiados en Robocampeones 2010!

O alumnado do IES Primeiro de Marzo de Baiona foi premiado no campionato de robótica Robocampeones 2010 que se celebrou o venres 28 de maio no IES Jovellanos de Fuenlabrada (Madrid)

O segundo posto da Proba Libre levouno a máquina expendedora de caramelos “Lambetadas Baiona” que deseñaron, construíron e programaron os alumnos de Tecnoloxía Industrial de 1º de Bacharelato. Un gran traballo de enxeñería. Parabéns!

Os representantes en Madrid foron Damián, Pablo e Javier

lambetadas1.jpglambetadas2.jpg

Máis adiante xa publicaremos máis fotos, vídeos e a explicación do funcionamento da máquina que, resumindo, é capaz de distinguir moedas de 50 e 10 céntimos e permite a selección de tres tipos de caramelos mediante dous mecanismos diferentes.
(Actualización: Xa podes ver a páxina do proxecto)

Na Proba de Rescate, na que participaron unha trintena de equipos, tamén quedaron moi ben.

O equipo Lucecú formado por Daniel (4º ESO A) e Javier (1º Bach) quedou terceiro. Un gran traballo, Felicidades!

3rescate.jpg

O equipo O Morriñas formado por Jessica e Anxo de 4º ESO B quedou no cuarto posto. Non levaron copa, pero o resultado é tamén magnífico. Parabéns!

4rescate.jpg

O equipo Sapoconcho formado por Irene e Arancha de 4º A non se clasificou para a final debido a un problema ao esquivar unha lata, pero fixérono tamén fenomenal. Son tamén unhas campioas!

5rescate.jpg

Moitos alumnos e alumnas quedaron en Baiona e non puideron asistir á competición, pero tamén traballaron estupendamente todo este tempo. Os premios son para todos e todas, xa que son produto da enorme implicación e traballo en equipo do alumnado de Tecnoloxía. Felicidades!

todos.jpg

Grazas ao IES Gaspar Melchor de Jovellanos e en especial a Víctor polo traballo de organización, e o noso máis sinceiro agradecemento a César e ao alumnado do IES El Greco de Toledo polo magnífico trato recibido acolléndonos no seu instituto os días previos á competición.

Actualización 01-xuño-2010
Saímos no xornal Faro de Vigo (clica na imaxe para ampliar)

FarodeVigo01-06-2010.jpg

Todo isto é posible grazas ao programa Arce de agrupamentos escolares do Ministerio de Educación.…