Xa sei que chega tarde, pero aquí tedes unha montaxe coas fotos que sacamos durante as Xornadas de Robótica Baiona-Toledo os días 3 e 4 de maio.
[Xornadas de Robótica Baiona-Toledo from María L on Vimeo.]
[Música: AID – Non importa]
Se queredes ter as fotos orixinais lembrádevos de traer un pen drive para gravalas dun dos ordenadores do taller.
Aquí vai o vídeo do proxecto que presentamos o curso pasado á proba libre de Robocampeones 2009.
Trátase dun aparcadoiro de 4 prazas capaz de detectar vehículos diante das barreiras, que se abren automaticamente, e de contar os vehículos que hai dentro. Cando o parking está completo non deixa pasar máis vehículos ata que queda algunha praza libre. Un cartel “libre-ocupado” indícallo ao condutor que desexa acceder.
[Roboparking from María L on Vimeo]
[música: Mika-Rain]
Foi deseñado, construído e programado con Lego Mindstorms NXT por Ángela, Jessica, Iago e Javier. Presentárono en Robocampeones 2009 Ángela e Sandra.
O alumnado de 1º de bacharelato anda agora a argallar como facer unha máquina expendedora de caramelos. Haberá que traballar intensamente para que dea tempo de presentala en Robocampeones 2010.
Os vindeiros luns 3 e martes 4 de maio recibiremos no IES Primeiro de Marzo a un grupo de alumnos e alumnas do IES El Greco de Toledo, que participarán co alumnado de tecnoloxía de 4º de ESO e 1º de Bacharelato nunhas xornadas intensivas de robótica no taller II de Tecnoloxía. O IES El Greco é un dos institutos que integran o agrupamento que temos no programa Arce do Ministerio de Educación.
Unha selección dos mellores alumnos e alumnas participará a finais de maio na competición “Robocampeones” en Madrid, que consiste en construír e programar un robot capaz de desprazarse nun recinto que simula unha situación de desastre, localizando vítimas tendidas no chan e evitando os obstáculos que se atopen no camiño. Haberá que resolver problemas como atopar a liña se o robot pérdese, contar as latas, atopar vítimas na habitación sen liña, atopar a porta de saída, … Temos aínda moito traballo por diante.
Pero non só imos traballar duramente. Polas tardes temos preparadas excursións para ensinarlle Baiona e a Ría de Vigo ao alumnado visitante.
Desexámoslles unha boa viaxe e unha mellor estancia.
Actualización 06/05/2010
Nova publicada hoxe no Faro de Vigo (Clica na imaxe para ampliala)
Confirmado! O Ministerio de Educación concedeunos unha axuda para a ampliación do proxecto de robótica que iniciamos hai dous anos
“Didáctica da robótica para a diversidade educativa mediante a introdución do método Lego Mindstorms”
dentro da a convocatoria de Axudas para o establecemento de agrupacións de centros educativos para a realización e posta en práctica de proxectos comuns, na modalidade “B”.
Aínda temos que organizar a actividade, pero adiántovos que participará o alumnado de tecnoloxía de 4º ESO e de 1º de Bacharelato, e que este curso faremos o agrupamento co IES EL Greco, de Toledo, que esperamos que veñan a Baiona a participar nas xornadas de robótica que imos facer no Insti.
Se queredes saber como foron as xornadas do curso pasado podedes visitar o post: Fotos das xornadas de robótica Baiona-Velilla. Alí tedes este vídeo e as novas publicadas nos xornais.
[Xornadas de robótica Velilla-Baiona from María L on Vimeo.]
En maio pretendemos participar na competición de robótica “Robocampeones”. A ver se se repiten os resultados do curso pasado e traemos unha copa. Mirade a información no post “Baiona robocampioa!”
Tedes que traballar duro, pois só levarei aos mellores.
[Foto conxunta dos equipos gañadores en Robocampeones 09]
A flota de robots do IES Primeiro de Marzo (Baiona) arrasou no campionato Robocampeones09 en Móstoles (Madrid)
Parabéns aos rapaces e rapazas de Baiona responsables do seu deseño e programación, ao resto de equipos que participaron na competición e que recibiron os seus merecidos premios, e tamén aos equipos que quedaron sen ser finalistas, pero que traballaron coma os mellores.
Foto conxunta dos institutos premiados: (clica aquí para ampliar)
Campións na proba libre: O equipo baionés “Roboparking“.
Un aparcamento robotizado de catro prazas, capaz de contar os coches que entran e saen, pechar a barreira cando está cheo, e amosar nun cartel se está libre ou ocupado.
(Actualización: Podes ver aquí o vídeo co funcionamento)
Na foto están Sandra e Ãngela, as representantes en Madrid. Parabéns tamén a Iago e a Javier que, anque quedaron en Baiona, traballaron estupendamente no deseño, construción e programación do roboparkin. Por suposto, o premio é para o equipo completo.
Na proba de rescate quedou subcampión o equipo “Xen“. Felicidades a Jessica e a Daniel polo seu magnífico traballo.
O equipo “Chandebrito” de 4º de ESO clasificouse como finalista, pero unha descolocación do sensor ultrasónico no último momento antes de competir na final fixo que fallase o robot na superación dos obstáculos. Foi unha mala pasada e quedaron oitavos, pero todos vimos como traballaron e o ben que funcionaba o programa que levaba o robot. Brian, Diego, Óscar e Vero tamén son uns camións!
Grazas ao profesorado do IES Ana María Matute de Velilla pola súa acolleita os días previos á competición, especialmente a Jesús e a Ãngel, e tamén ao alumnado de Velilla polo xenial apoio que lles deron aos rapaces e rapazas de Baiona. Unha experiencia inesquecible.
Na foto: Os equipos de Velilla e Baiona antes da competición. (clica aquí para ampliar)
Felicidades aos equipos de Velilla, que tamén obtiveron uns magníficos resultados.
Por último, as grazas e parabéns ao profesorado responsable da organización de Robocampeones09 e ao instituto IES Antonio Nebrija de Móstoles pola magnífica organización do evento.
Os robots de rescate de Velilla e de Baiona:
———-
Actualización 26/05/2009:
Nova publicada no Faro de Vigo: “Enxeñeiros de futuro en Baiona”
