tecnoloxia.org

Tecnoloxía na Educación Secundaria

Mesturando o mundo real e o virtual

Internet e a información existente na rede rompen a barreira do virtual e comezan a introducirse no mundo real como un elemento máis do noso entorno. A rede evoluciona máis alá do ciberespazo, de xeito que xa podemos acceder á información que queiramos en calquera momento e en calquera lugar, superpoñéndoa aos obxectos físicos que temos diante dos nosos ollos.

Isto é posíbel grazas á realidade aumentada, que está entrando con forza en múltiples e variadas aplicacións.

Para conseguir a realidade aumentada necesitamos:

  • Unha cámara de vídeo conectada a un ordenador, ao teléfono móbil ou a calquera outro dispositivo portátil.
  • Un dispositivo de saída como poden ser un monitor, gafas de realidade virtual, pantalla do móbil, etc.
  • Unha CPU que analice e procese os datos
  • Outros dispositivos, segundo a aplicación a desenvolver: GPS, compás, acelerómetro, etc.
  • Software

A cámara capta imaxes da contorna real e envíaas á CPU, que se encarga de analizalas e procesalas segundo as instrucións do software instalado. Estas imaxes poden compararse con algunha base de datos existente ou coa información de internet. Feito isto, o ordenador superpón información dixital ás imaxes captadas e envía o contido resultante á pantalla.

Aquí hai algúns exemplos:

Identidade aumentada:

Augmented ID é un sistema que visualiza as identidades dixitais das persoas que se reúnen na vida real. Cun dispositivo móbil e software de recoñecemento facial, Augmented ID permite acceder a información sobre as persoas que tes arredor, como o seu perfil nas redes sociais, o seu sitio web, ou calquera ligazón á web social que o usuario faga pública para o sistema.


youtube: TAT augmented ID (Visto en El Caparazón)

Navegadores en realidade aumentada:

Hai aplicacións para móbiles que engaden ás imaxes reais de lugares unha serie de ligazóns e información extraída en tempo real da web. Funcionan determinando a posición do teléfono a través de GPS e a orientación do mesmo grazas ao compás do dispositivo e, segundo estes datos de localización, o programa intúe que edificios ou sitios de interese ten o usuario xusto enfronte o teléfono, aportando información sobre os mesmos. Ten aplicacións de información turística, localización de estacións de transporte público, localización e información sobre vivendas de aluguer ou venda, etc.

Hai varios sistemas. Para os terminais co sistema operativo Android temos Layar, que é unha aplicación que se basea no posicionamento do móbil, wikitude, unha guía para viaxes e turismo que utiliza mapas, vídeos e contidos informativos da Wikipedia, ou enkin, que incorpora datos de negocios, lugares e edificios extraídos de servizos como Google Maps.


youtube: Layar, worlds first mobile Augmented Reality browser

Información do metro:

Hai quen se fai un lío cos paneis informativos do metro en grandes cidades, e pode ser que a partir de agora sexa máis doado. Nearest Tube é unha aplicación para iPhone 3GS que incorpora información do metro de Londres sobre o vídeo captado, indicándonos a dirección que hai que tomar para acceder ás distintas liñas de metro, as paradas que hai ou a que distancia están.


youtube: Nearest Tube Augmented Reality App for iPhone 3GS from acrossair (Visto en xataka.com)

Prismáticos turísticos:

mirador.jpgSon moitos os miradores que atopamos cando imos de viaxe a coñecer lugares. Desde eles temos unhas impresionantes vistas de montañas e cidades, pero en moitas ocasións non é doado identificar o que vemos ou localizar determinados lugares, pois os mapas panorámicos de información (cando existen) en ocasións non ofrecen toda a información que nos gustaría.

A realidade aumentada pode mellorar isto mediante especiais prismáticos que capten en tempo real a imaxe que estamos vendo e sobreimpresionen nela textos, audio, fotos, vídeos, etc. Iso é o que fai unha aplicación de themovie.

Realidade aumentada nos museos:

dinosaurio.jpgA realidade aumentada permite aos museos ofrecer información actualizada e contextualizada nos diferentes espazos. Xa non nos fará falta o audífono que soen repartir en moitos museos, xa que mediante a captura de imaxes mediante o dispositivo móbil podemos obter información sobre as diferentes obras que imos vendo.

Pero non todo quédase en obter información. A realidade aumentada pode constituír a propia exhibición do museo, como é o caso da actual mostra de dinosaurios que se está a exhibir en Xapón.

Paréceme destacable neste sentido o traballo de Escultura Aumentada do artista Pablo Valbuena.


youtube: Augmented Sculpture – Medialab07 – Madrid

Son aumentado:

A realidade aumentada pódese aplicar tamén ao son, e non só ás imaxes.
Un exemplo é d-touch drum machine, unha máquina de percusión que capta a posición dunha serie de obxectos sobre unha plantilla e tradúceos en sons segundo o lugar que ocupen.


youtube: d-touch Drum Machine

Eu probeino, pero parece que a versión actual dá problemas coas cámaras logitech, así que esperarei á unha nova versión, ou a versión para linux, na que están a traballar.

Outra aplicación para son é Shazam, que funciona con móbiles android e que permítenos a través do micrófono recoñecer a canción que estamos escoitando, e dinos o grupo, o disco ao que pertence, etc…

Ceo aumentado:

Coa aplicación Google Sky Map, os usuarios de móbiles con android poden situar a posición das estrelas e constelacións en tempo real e no lugar onde se atopen, podéndose observar así as estrelas ao descuberto e saber cal é o nome de cada unha delas.

E haberá máis:

Hai moitos máis exemplos de aplicacións que se están a desenvolver, e isto só acaba de empezar. Nos vindeiros anos xa veredes como irán aparecendo cada vez máis e máis utilidades que mesturan o mundo real e o virtual.

Podes ver máis anotacións publicadas aquí sobre realidade aumentada

Probador virtual

A realidade aumentada está a se facer cada vez máis sitio no noso mundo, máis alá das aplicacións de ocio.
Un exemplo disto témolo en Glasses Direct, tenda de gafas que permite aos visitantes probarse en liña os distintos modelos.

Para probarte as gafas cómpre descargar unha aplicación desde video-mirror (só funciona en windows). Despois de conectar a cámara web e marcar unha serie de puntos de referencia no teu rostro xa podes ver como te quedan as gafas de mostra.

Aquí tes un vídeo de exemplo:

[Vídeo de glassesdirect.co.uk]

Como ves, esta vez non temos que imprimir ningunha plantilla para superpoñer unha imaxe virtual nunha real, pois a aplicación combina tecnoloxía de realidade aumentada con captura de movemento, encargada de almacenar dixitalmente os movementos.

Se non tes cámara web non te preocupes, xa que tamén podes probarte gafas utilizando unha fotografía. Pódelo facer en virtual mirror.

E a cousa non se queda nas gafas. Dáche preguiza andar a vestirte e desvestirte para probarte roupa nas tendas? Non te preocupes, que xa empezan a existir comercios que ofrecen un probador on-line:

[youtube: Zugara’s Augmented Reality & Motion Capture Shopping App]

Ver máis anotacións sobre realidade aumentada.

Actualización: A web de Ray-Ban tamén dispón dun probador virtual…

Living Sasquatch. Animación con realidade aumentada.

Sasquatch.jpgAté agora os exemplos de realidade aumentada que fun vendo só permitían a visualización dun modelo no noso escritorio, pero hoxe descubrín unha aplicación para realizar animacións con AR: Living Sasquatch. Neste caso as persoas usuarias actuamos coma guionistas e editoras.

Podes elixir entre 35 animacións diferentes e engadilas a un rexistro de tempo arrastrando e soltando, e pódense engadir “bocadillos” para que o noso feo protagonista se comunique mais alá dos gruñidos.

Unha vez creadas as curtas de animación podes publicalas na galería de livingsasquatch.com ou envialas a quen queiras.

Aquí tes un vídeo no que se amosa a forma de proceder.


Living Sasquatch – Papervision – Augmented Reality from Boffswana on Vimeo.

Anímaste a facer unha animación en Realidade Aumentada?
Vai a Living Sasquatch, imprime a plantilla, conecta a túa cámara web, e a crear!

Se queres a Sasquatch nun tamaño maior, só tes que ampliar a imaxe da plantilla. Mira este vídeo.

( Visto en boffswana.com)

Ver máis anotacións sobre: – Realidade aumentadaAnimación

Aumented sound

Xa escribín varias veces neste blogue sobre a realidade aumentada, que consiste en engadir información virtual á información física existente. En tódolos exemplos o que vemos é a inclusión dunha imaxe virtual no mundo real, podendo interactuar con ela.

Hoxe vin en Alg-a outra experiencia destas, pero no canto de imaxes o que se utiliza é son. Aumented Sound é un proxecto que amplía o son de obxectos. A idea básica é engadir unha capa máis á realidade de son dun obxecto utilizando unha aplicación desenvolta en openframeworks e en supercollider.

Aquí podes ver un vídeo de exemplo de interacción virtual nun espazo físico que ten como consecuencia a produción de son. Na área delimitada por un azulexo engadimos unas bolas virtuais que ao chocar producen distintos tipos de sons nas colisións.


Augmenting sound. Space 1 Bath. Video 2 from berio on Vimeo.

Tes máis información en Alg-a, “comunidade subacuática de arte e acción libre”.…

Conferencia de Richard M. Stallman en Vigo

stallman.jpgRichard M. Stallman, un dos principais referentes no mundo do software libre, estará en Vigo o vindeiro 30 de abril ás 16:00 no Auditorio do Centro Cultural Caixanova para impartir dous relatorios, un sobre o movemento do Software Libre e outro sobre o perigo das patentes.

Este evento organizado polo Máster de Software Libre Caixanova é de entrada libre, aínda que as persoas interesadas en asistir deberán inscribirse a través dun formulario web.

(Vía: Código Cero)

Actualización:
Estará tamén en Ourense o 29 de Abril de 2009, ás 20:30 no Ateneo (Parque de San Lázaro)…