Tecnoloxías da Información

Realidade Aumentada e SketchUp

por

eiffel.jpg Hai un tempo publiquei un post sobre Realidade Aumentada, no que se amosaban unhas aplicacións en flash para engadir información virtual ao entorno real. Pois temos novas ferramentas para experimentar:

Con ARsights podemos reproducir modelos 3D de Google Earth. Debes descargar previamente a aplicación, imprimir a plantilla, elixir o modelo e conectar a cámara.

Pero o máis interesante de todo isto é poder deseñar as nosas propias figuras e experimentar a realidade aumentada con elas.

Daquela xa falei de BuildAR, pero paréceme máis interesante AR-media, Trátase dun plugin para Google SketchUp que nos permite integrar na realidade os modelos 3D que debuxamos con dita aplicación.

Aquí tes un vídeo no que podes ver as posibilidades:

En Tecnotic infórmannos doutra aplicación interesante que podemos experimentar. Neste caso podemos ter no noso escritorio animacións de enerxía eólica e enerxía solar.
Temos que ir a ge.ecomagination.com, imprimir a plantilla, conectar a cámara web, e xa temos as nosas animacións.

AReolica.jpgARsolar.jpg

Ver tódalas anotacións sobre Realidade aumentada


Animación por ordenador

por

Desde que xorde a idea de crear unha película ata que está en carteleira, hai un longo período de tempo no que traballan un extenso equipo de profesionais. Tamén son moitas horas de traballo as necesarias para crear un xogo de ordenador.

animacion.JPGEntre as tarefas que hai que realizar está a animación 3D, que permite modelar e animar en tres dimensións.

Se observas ben poderás ver que temos 4 vistas, alzado, planta, perfil, e vista de cámara, e baseándose nestas vistas, os modelos xéranse mediante ferramentas de software.

Neste vídeo podes ver como se modela un dragón.

Despois aos modelos ténselles que incluír un “esqueleto” coas mesmas limitacións e capacidades que ten un esqueleto humano. Dese xeito obtéñense movementos naturais.

Botádelle unha ollada aos curtos de animación do audiovisual galego: Flocos.tv

Nós tamén podemos facer películas de animación mediante aplicacións que nos facilitan a tarefa, sen ter que debuxar. Podes ver aquí uns exemplos:

XtraNormal: Permítenos crear películas de animación e engadir voz ás personaxes.


[Xtranormal: Van vir molestar]

Deixarás que se escapen? Vai por eles e continúa a película.

Tamén podemos facer animacións en 2D cunhas aplicacións en flash coma estas:

GoAnimate! Elixe as personaxes, escribe o texto que queres que apareza, elixe a música de fondo, e xa tes a túa animación.


[Goanimate: Aburridos]

A ver se o robot e o marciano deixan de aburrirse. Anímaos!

MovieMaker: Esta aplicación é similar á anterior, anque máis sinxela.


Aceptades a súa invitación?

Outros máis

domo.goanimate.com
es.goanimate.com


20Q: Un xogo de intelixencia artificial

por

En Tecnoloxía Habitual falan de 20Q, un xogo que fai uso da intelixencia artifical para adiviñar o que estás pensando en base a preguntas moi concretas que debes responder.

Está baseado na tecnoloxía das redes neuronais e aprende a medida que se van realizando partidas. Cantas máis partidas se xoguen, máis aprende a máquina e maior é a porcentaxe de acertos.

20Q.png

Denomínase intelixencia artificial á disciplina dedicada ao desenvolvemento de axentes racionais non vivos. Non é tarefa doada, pois a maioría dos problemas que hai que resolver non se axustan a un algoritmo ou fórmula determinada, senón que para desenvolver sistemas artificiais intelixentes que resolvan desafíos de forma autónoma precisamos a capacidade de recoñecer patróns, aprender e mellorar o funcionamento a partir da experiencia acumulada.

As persoas, se temos un problema que non podemos resolver mediante un algoritmo, recorremos á nosa experiencia para buscar a solución. As redes neuronais non son máis que un modelo artificial e simplificado do cerebro humano, un sistema que é capaz de adquirir coñecemento a través da experiencia, memorizar e asociar feitos.

Aínda queda moito por andar neste mundo, e seguramente nun futuro teñamos á nosa disposición robots realmente intelixentes, pero de momento aínda son bastante parvos. Todo chegará.

aprendendo.png


Realidade aumentada

por

A realidade aumentada consiste nun conxunto de dispositivos que engaden información virtual á información física xa existente. Esta é a principal diferenza coa realidade virtual, posto que non substitúe a realidade física, senón que sobreimprime os datos informáticos ao mundo real.

Podes ver un exemplo neste vídeo:

Papervision – Augmented Reality (extended) from Boffswana on Vimeo.

Grazas a Cuarto Derecha atopei unha serie de ligazóns nas que conseguir escenas de realidade aumentada en flash, sen instalar nada no ordenador. Só necesitamos unha cámara web, imprimir unha plantilla e activar a aplicación.

Estiven facendo unhas probas. Aquí van as capturas de pantalla:

En boffswana. (Imprimir plantilla)
realidade1.jpg

En strafwerk. (Imprimir plantilla)
realidade2.jpg

En michaellanding. (imprimir plantilla)
realidade3.jpg

Tamén podemos utilizar aplicacións descargables para crear escenas de realidade aumentada no escritorio. Un exemplo é BuildAR.
realidade4.jpg

Máis anotacións sobre realidade aumentada


Xerador de bases de datos

por

Vía Soy Gik atopo unha interesante aplicación:
Generatedata, un xerador de bases de datos.

generatedata.png

Podemos elixir diversos campos e obter os resultados nos formatos HTML, XML, SQL, XML ou CSV.

Paréceme moi interesante para ensinar a manexar unha base de datos, pois facilítanos moito a tarefa, xa que o primeiro que necesitamos para traballar son datos, e con esta aplicación obtémolos sen levar ningún traballo.