tecnoloxia.org

Tecnoloxía na Educación Secundaria

Visualizando a intelixencia artificial

ThinkingMachine4_ PlaytheGame.jpgThinking Machine 4 é un xogo de xadez on-line que nos permite observar como funciona a intelixencia artificial.

Antes de que a máquina faga un movemento, realiza un cálculo de tódalas posibilidades, e con esta aplicación podemos visualizar o proceso:
Unha serie de curvas laranxas amosan os posibles movementos da máquina e unhas verdes os posibles movementos do xogador/a. A máquina coñece tódalas posibilidades en moi pouco tempo, e é capaz de avaliar cales son as mellores xogadas entre as atopadas.

Es capaz ti de pensar tan rápido como a máquina?

(Visto en cool infographics)

Galinux

galinux.pngXa abonda coas innumerables distribucións que existen do sistema operativo Linux, e agora chega unha nova, pero esta vez galega e en galego: Galinux

Trátase dun completo sistema operativo en galego e baseado en Ubuntu e desenvolvido polo Centro de Referencia e Servizos de Software Libre conxuntamente coa comunidade galega de software libre. Nace como iniciativa da Dirección Xeral de Promoción Industrial e da Sociedade da Información, da Consellaría de Innovación e Industria, que o presenta hoxe en Santiago.

Pódese descargar de http://galinux.mancomun.org/

O rato cumpre 40 anos

O 9 de decembro de 1968 o enxeñeiro Douglas Engelbart presentou un novo dispositivo para interactuar cos ordenadores: o rato!

O primeiro prototipo foi construido de xeito artesanal con madeira, como podes ver na foto, e patentouse con nome de “X-Y Position Indicator for a Display System”.

primer-raton2.jpg

Moito teñen evolucionado os ratos dende aquela. Durante moito tempo usamos os ratos de bola, logo viñeron os ratos ópticos e os “touchpad“. A saber como será dentro doutros 40 anos a interface que usaremos para interactuar cos ordenadores.

Aquí está o vídeo da primeira patente:

(Fonte: Abadía digital)

Mira o son e escoita a imaxe

No blogue “4ºD” fálannos do proxecto Monalisa, que consiste en converter unha imaxe en son e un son nunha imaxe.

Este vídeo amósanos unha instalación que utiliza ese sistema. Ao principio faise unha foto. Despois esta foto convértese en son e reprodúcese. Este son recólleo un micrófono que volve converter o son en imaxe a cal proxéctase na pantalla.


Monalisa “Shadow of the sound” from Cuarto derecha on Vimeo.

Pódese ver que a imaxe resultante queda distorsionada. Isto é porque o son vese afectado pola resonancia das paredes da habitación, por iso sae a imaxe repetida.

O sistema supoño que consistirá en establecer unha equivalencia dixital son-imaxe. Cando dixitalizamos a información somos capaces de converter imaxes e audio en impulsos eléctricos que se traducen en información binaria, e tamén podemos realizar o proceso inverso, unha información almacenada de xeito dixital podemos reproducila a través dun altofalante ou dunha pantalla. Podes saber algo básico sobre isto na sección de “dixitalización da información

Se dispoñedes dun iPhone, podedes probar o sistema de converter imaxe en son coa aplicación gratuíta iMonalisa, desenvolvido por Audible Realities

Máis información en monalisa-au.org

A biblioteca radiada e o libro televisado

O documentalista belga Paul Otlet foi un dos primeiros visionarios de Internet, pois publicada na súa obra de 1932 “Tratado sobre Documentación. O libro sobre o libro.” unha visión sobre o futuro dos soportes e distribución da información. Este home pronosticou hai máis de oitenta anos unha rede inmediata e universal moi similar ao que hoxe é Internet.

Pódelo ver neste vídeo:
(Fonte: ilustrae)

Como imaxinas ti o manexo da información dentro de 80 anos?…