tecnoloxia.org

Tecnoloxía na Educación Secundaria

Visualizando a intelixencia artificial

ThinkingMachine4_ PlaytheGame.jpgThinking Machine 4 é un xogo de xadez on-line que nos permite observar como funciona a intelixencia artificial.

Antes de que a máquina faga un movemento, realiza un cálculo de tódalas posibilidades, e con esta aplicación podemos visualizar o proceso:
Unha serie de curvas laranxas amosan os posibles movementos da máquina e unhas verdes os posibles movementos do xogador/a. A máquina coñece tódalas posibilidades en moi pouco tempo, e é capaz de avaliar cales son as mellores xogadas entre as atopadas.

Es capaz ti de pensar tan rápido como a máquina?

(Visto en cool infographics)

Light-Bot

Light-Bot é un xogo en flash cuxo obxectivo é mover un pequeno boneco pola pantalla para acender tódolos cadrados azuis mediante as instrucións dispoñibles: avanzar, xirar, saltar, iluminar e funcións.

Cando os niveis se complican non nos caben tódalas instrucións no “main method”, así que temos que recorrer a subrutinas (funcións f1 e f2) para completar o programa.

Light-bot

Paréceme interesante para iniciar a nenos e nenas nas estruturas básicas de programación, aínda que para aprender a programar bótanse en falta outros procedementos, como as condicións ou bucles.

(Fonte: Tecnología habitual)