tecnoloxia.org

Tecnoloxía na Educación Secundaria

III Regata Solar Marine Instruments 2018

O vindeiro sábado 23 de xuño hai unha cita tecnolóxica en Baiona: a III regata solar Marine Instruments.

Trátase dunha competición con dúas categorías, escolar e open, que consiste na fabricación dunha embarcación alimentada unicamente con enerxía solar e na que interveñen diferentes tecnoloxías: deseño naval, electrónica, procesos de fabricación, eficiencia enerxética, telecomunicacións, etc.

A competición desenvolverase de 10 a 14h e haberá dúas probas, unha de resistencia e outra de velocidade.

Máis información en www.regatasolar.org

Tweet about this on TwitterShare on FacebookShare on Google+Email this to someone

Factoría de androides

Se andades por Vigo esta fin de semana e vos gustan os obxectos feitos con materiais de refugallo, podedes pasarvos polo Halcón Milenario a ver a exposición “Factoría de androides” de Sátrapa. Inaugúrase mañá venres 11 de maio de 21:30 a 23:30h.

Pode darnos ideas para reciclar cacharrada que xeramos nos talleres, non?

Máis información:

 

Tweet about this on TwitterShare on FacebookShare on Google+Email this to someone

Programa e tapices para a Competición de robots da U.Vigo

Aquí podedes ver:

 

E velaquí a distribución de equipos do IES Primeiro de Marzo:

1ºBach

  • Uganda Warriors – Tapiz 15
    Javier, Pablo, Borja, José
  • Sapoconchos B – Tapiz 11
    Uxía, Samuel, Miguel, Emilio
  • Sori Team – Tapiz 13
    Gabriel, Matías, Alejandro, Pablo
  • Susodichos – Tapiz 14
    Ana, Javier, Luis, Gustavo

4ºESO

  • Baiona1 – Tapiz 9
    Alejandro, Andy, Cedric, Manuel, Zoila
  • Baiona2 – Tapiz 8
    Marius, Óscar, Marcos, Ian, Lucía
  • Baiona3 – Tapiz 6
    Roberto, Andrea, Abel, Miguel, Santiago
  • Baiona4 – Tapiz 7
    Pablo L, Antón, Fernando, Samuel, Pablo G
  • Baiona5 – Tapiz 8
    Daniel, Nicolás, Lara, Óscar, Jorge

Ficheiros:

Tweet about this on TwitterShare on FacebookShare on Google+Email this to someone

XVII Xornadas de Tecnoloxía de Galicia

Os días 13 e 14 de abril o profesorado de Tecnoloxía temos unha cita En Santiago de Compostela: As XVII Xornadas de Tecnoloxía de Galicia, organizadas pola Asociación do Profesorado de Tecnoloxía de Galicia,  APETEGA.

Este ano a cita é moi especial, pois a asociación cumpre o seu 20 aniversario. Dá vertixe pensar que xa pasaron tantos anos desde que empezamos a implantar o ensino da tecnoloxía nas aulas de educación secundaria.

Facendo un repaso de todo este tempo, o máis positivo foi contar cunha asociación a través da que o profesorado fomos quen de compartir coñecemento, resolver dúbidas, aprender, dar a coñecer recursos e experiencias, etc. O peor, sen dúbida, foi e segue sendo a falta de comprensión e valoración da formación tecnolóxica que amosan os dirixentes políticos, que tomaron decisións nefastas en todas e cada unha das reformas educativas que sufriu o noso sistema educativo nestas dúas décadas.

Imos quedarnos co positivo e tomarnos as Xornadas como os días de festa tecnolóxica para o profesorado. Aquí podedes consultar o programa. Este ano non hai moitos obradoiros (mágoa, pois é o máis interesante para aprender), pero seguro que sacamos cousas interesantes.

Se queredes inscribirvos, na web de APETEGA tedes toda a información.

Tweet about this on TwitterShare on FacebookShare on Google+Email this to someone

Brazo robot con sensor de cor

Este curso a ver se somos quen de poñer a funcionar o brazo robot do curso pasado. Chegara a funcionar clasificando pezas brancas e negras, pero os últimos días de curso empezou a fallar. O problema foi que no conector dun dos servos o pin de alimentación e o pin de sinal estaban curtocircuitados , polo que entraba alimentación á placa a través do servo e facía que funcionase mal. Agora xa está arranxado.

Hai un novo modelo de brazo robot sinxelo que circula por internet e que ten boa pinta: Pedro Robot. A ver se o imprimimos para poñelo tamén a clasificar pezas de forma automática.

[MeArm programado no curso 16/17. tecnoloxia.org]

[Pedro Robot By hackaday.io]?

Este curso engadiremos un sensor de cor para poder distinguir entre pezas de diferentes cores, e non só brancas e negras. Aquí tedes información sobre o funcionamento dun sensor de cor TCS3200.

[TCS3200 tecnoloxia.org CC By-SA]

A ver o que sae!

Tweet about this on TwitterShare on FacebookShare on Google+Email this to someone