Para o control da dirección dos vehículos “cabledirixidos” de 2º de ESO utilizamos dúas rodas motrices e unha roda libre, de xeito que o xiro do vehículo conséguese modificando o sentido de xiro de cada unha das rodas motrices.
Hai outra maneira de facer que o vehículo xire utilizando o mecanismo piñón cremalleira.
As rodas motrices serían as traseiras, e as dianteiras están acopladas a un mecanismo coma o da figura, que se move grazas a un segundo motor que controla a dirección:
Cómpre colocar uns finais de carreira que fagan que o motor da dirección se deteña cando a cremalleira chega ao final do percorrido.
O malo deste sistema é que o vehículo sempre xira, e nunca vai moverse recto. Para facer iso necesitariamos poder controlar mellor a dirección, por exemplo utilizando un servo ou un circuíto lóxico.
Aquí hai un vídeo no que se amosa o mecanismo:
