tecnoloxia.org

Tecnoloxía na Educación Secundaria

Escultura en granito

Antonella TiozzoSe che gusta a escultura e queres saber como se traballa o granito, aínda estás a tempo de ver in situ o traballo de oito escultoras e escultores que están a executar as súas obras diante do Centro Veciñal e Cultural de Valladares (Vigo).

O obxectivo principal do Simposio Europeo de Escultura “Arte e Tecnoloxía” é dotar de esculturas ao entorno do Parque Tecnolóxico e Loxístico de Vigo.

O material das obras é principalmente granito de diversas calidades e zonas da provincia de Pontevedra: Rosa de Porriño, Negro de Campolameiro, Gris de Mondariz, Albero do Galiñeiro, Azulado de Couso, Gris de Salvaterra, Silvestre do Monte Alba, etc.

Bo material elixido nun país feito de pedra, e máis na área metropolitana de Vigo, na que unha das industrias con maior peso é a extración, transformación e comercialización de granito.

Se che interesa a profesión podes informarte na Escola de Cantería da Deputación de Pontevedra.…

Citroën

A visita a PSA-Peugeot-Citroën en Vigo é obrigada. Na web oficial teñen animacións flash moi interesantes, entre elas unha sobre o proceso de fabricación na que podes ver cada un dos procesos, dende as bobinas de chapa galvanizada ata a entrega do vehículo rematado. Clica na imaxe para ver a animación flash.
proceso de fabricación

Tamén podes ver uns vídeos da fabricación.

Na mesma web ensínanos como funcionan algúns dos elementos do automóbil ou da fabricación, como os airbags, a suspensión, a climatización, etc. Podes ver aquí tódalas animacións.
Por suposto non podían faltar os robots industriais utilizados na fábrica. Clica na imaxe para ver a animación:
robot

A tecnoloxía neste caso non se utiliza unicamente no deseño e fabricación do produto, senón tamén na súa comercialización en la elaboración da publicidade. Non teñen desperdicio os anuncios de robots utilizados por esta marca, e tampouco outros vídeos sobre coches, como o famoso de efectos encadenados de Honda. Dádevos unha volta por youtube.

[lista de reprodución en youtube: coches (5 vídeos)]

Boeing 777

Dende logo que non é tan rápido e doado como parece ó velo neste vídeo, pero pódeste facer unha idea do proceso de construción dun avión: Boeing 777.


Se te preguntaches algunha vez cómo é posíbel que un avión tan pesado voe, podes visitar unha animación flash de consumer no que se explica de xeito elemental Por que voa un avión? (clica aquí para ver a animación na pantalla completa)

50 anos de LEGO

Hoxe hai 50 anos que se rexistrou a patente de LEGO. Dende aquela xa se fabricaron máis de 400.000 millóns de ladrillos.

O material:

A empresa empezou fabricando as pezas de madeira, pero pronto pasouse ó plástico. Inicialmente optou por utilizar acetato de celulosa. Debido ós problemas de deformación e inestabilidade dese material, en 1963 empezou a utilizar ABS (acrilonitrilo butadieno estíreno), máis resistente e inocuo.

Podes ver aquí unha animación do proceso de fabricación dos ladrillos LEGO:

fabricación

A estrutura:

A resistencia dos ladrillos non só ten que ver co material utilizado, senón tamén coa súa estrutura. A introdución dos perfís circulares no seu interior evita o arqueo e tamén mellora a capacidade de suxeición das pezas.
ladrillos

Movemento e automatización:

Ata 1974 as construcións eran completamente estáticas. A partir de entón a empresa incorpora engrenaxes, pancas, eixes e rodas, o que permitiu a construción de todo tipo de sistemas mecánicos.
En 1986 introducen compoñentes pneumáticos e en 1998 LEGO saca ao mercado o primeiro robot Lego Mindstorms, que permite a construción de sistemas integrados con partes electromecánicas controladas por ordenador.

robot

Creatividade:

LEGO, pola súa versatilidade, é utilizado para a construción de infinidade de obxectos. Podes ver aquí unha galería de obxectos fabricados con LEGO ou inspirados nel.

Detida por levar un simple circuíto

circuíto que levaba a rapaza detidaIncorporar un circuíto electrónico á roupa pode resultar unha idea estupenda para darlle un toque persoal e creativo á indumentaria, pero coidado con levala posta a un aeroporto, pois poden pensar que é unha bomba. Pasoulle iso a unha rapaza norteamericana de 19 anos, estudiante de tecnoloxía, que levaba pegado no xersei unha protoboard na que tiña montado un circuíto con LEDs e que funcionaba cunha pila de 9 voltios. O inofensivo atuendo tecno-artístico da rapaza custoulle que a detiveran a punta de pistola e que a acusaran de “posesión de un dispositivo falso e de desorde”.

Sen embargo, o de levar electrónica incorporada na roupa non é algo novo. A moda e a tecnoloxía únense para crear novas prendas con novas utilidades.

prendas luminosasAínda que de momento no se comercialicen de forma económica e xeneralizada, xa se poden atopar no mercado chaquetas con células solares nas costas para poder cargar todo aquelo que pensas meter nos petos (reproductor de mp3, PDA, móbil, etc), roupa que incorpora música , cazadoras con ventiladores (ver), prendas luminosas que incorporan unha película flexible con LEDs, batería e o circuíto que controla os LEDs e que recibe as mensaxes a amosar mediante unha mensaxe SMS, ou prendas con microsensores incorporados que permiten medir o ritmo cardíaco, a presión arterial a temperatura ou a humidade. Hai pouco que coñecemos a invención dun bikini capaz de medir os raios UV e avisar por medio dunha alarma. Tamén atopamos unas zapatillas deportivas que conteñen un microprocesador integrado que vai aprendendo dos patróns de movemento da persoa usuaria para axustarse a ela, ou camisolas con detector de sinal sen fíos (wi-fi) incorporado

Pero non todo é electrónica, a incorporación de novos materiais na fabricación téxtil permite a fabricación de traxes camaleónicos que cambian de cor segundo as condicións de luz e humidade do ambiente, ou a regulación da temperatura do corpo mediante uns tecidos que reaccionan ao suor da pel. Tamén hai inventados uns fíos electroluminiscentes que, alimentados con baterías, fan que a roupa brille na escuridade.

Nada, que os policías dos aeroportos teñen que poñerse ao día, e non escandalizarse por un circuíto electrónico luminoso caseiro que pode facer calquera estudante de tecnoloxía de 4º da ESO.…