Descrición
[By Leo Boghozian from youtube]
Estes cables irán unidos a uns servos, cuxo ángulo de xiro determinará a flexión do dedo.
O control pode ser automático ou manual:
- Control automático: A man realiza movementos programados.
- Control manual: Utiliza uns potenciómetros ou joysticks para facer xirar cada servo á posición que desexes.
- Control con sensores: A man robótica moverase en función do sinal procedente dun sensor: Os dedos móvense segundo o sinal dun sensor de flexión ou de inclinación, a man cérrase cando se detecta un obxecto diante, etc.
Lembra que se conectas 5 servos ao teu Arduíno cómpre que os alimentes de forma independente, pois consumen moita intensidade e poderías facer que a placa se reinicie.
Modelos
En Internet hai moitos sitios nos que descargar modelos en 3D que podemos utilizar para os nosos proxectos. Aquí hai algún exemplos que podes utilizar, pero podes atopar máis por Internet.
Se non tes impresora:
Unha man sinxela de facer é esta feita con palliñas do profe García. Non é moi precisa, pero podería valernos, por exemplo, para que se peche automaticamente a man cando detecta un obxecto ao seu alcance. Que sensor usarías?
Se o teu é traballar con madeira, na web de prometec explícannos como facer unha.
Se tes impresora:
En thingiverse podemos atopar modelos para imprimir. Algúns son moi complexos e laboriosos e outros son máis sinxelos. Aquí van algunhas ideas, pero podes atopar outras.
| Prosthetic: Unha man sinxela de facer e rápida de imprimir. Modelos, Instrucións |
Snap-Together Robohand: É de fácil montaxe. Modelos, Instrucións |
Dextra: Máis laboriosa. Incorpora os servos na súa estrutura. Modelos, Instrucións. |
 |
 |
 |
Inmoov: Un flipe! Na web de Inmoov podes atopar información sobre como imprimir e montar un robot humanoide completo. Iso si, traballo de impresión e montaxe hai dabondo. Para quen se anime a meterlle horas.
Unha opción sinxela e rápida é facer un único dedo: Finger-starter-kit Modelos, Instrucións.
Facer unha man xa leva máis traballo: Right hand: Modelos, Instrucións
[As imaxes que ilustran cada man están recollidas das diferentes webs]
Propostas
- Control manual: Utiliza potenciómetros lineais ou joysticks para modificar a posición dos dedos.
- Control con sensores de flexión: Suxeita un sensor flex en cada dedo dunha luva. A man robótica deberá reproducir o mesmo movemento.
- Control con sensores de inclinación: Suxeita sensores de inclinación en cada dedo dunha luva. Os dedos deberán abrirse ou cerrarse completamente segundo os sinais procedentes dos sensores.
- Números: Utiliza un teclado matricial ou un mando IR para indicar un número de 0 a 5. A man deberá indicar que número se pulsou movendo os dedos.
- Man carnívora: Conecta un sensor ultrasónico preto da palma da man. Cando o sensor detecta un obxecto a man debe cerrarse rapidamente para atrapalo.